მილანის სასამართლოში სროლას ორი ადამიანი შეეწირა

იტალიის პოლიციამ დააკავა მამაკაცი, რომელმაც სავარაუდოდ მილანის სასამართლოში ცეცხლი გახსნა. "ბიბისის" ცნობით, აღნიშნულ შემთხვევას ორი ადამიანი შეეწირა. იტალიის შინაგან საქმეთა სამინისტროს ცნობით, თავდამსხმელი გაქცევას ცდილობდა, თუმცა მისი დაკავება კარაბინიერებმა მაინც შეძლეს. მილანის სასამართლოში სროლის ხმამ პანიკა გამოიწვია. ასობით ადამიანი გაქცევას ცდილობდა. თვითმხილველების ცნობით, მამაკაცმა ოთხჯერ გახსნა ცეცხლი. ამ დროისათვის შემთხვევის ადგილას სიმშვიდეა.

იტალიური მედია თავდამსხმელის ვინაობის შესახებაც იტყობინება. დაუდასტურებელი ცნობებით, იგი კლაუდიო ჯარდიელოა, რომელიც ერთ-ერთ სისხლის სამართლის საქმეში ბრალდებულია.

"ინტერპრესნიუსი"