ათონელის რეზიდენციაში რომელიმე სამთავრობო უწყება განთავსდება
თბილისში, ათონელის ქუჩაზე მდებარე რეზიდენცია დაპროექტებულია, როგორც უმაღლესი თანამდებობის პირის რეზიდენცია, - ამის შესახებ ჟურნალისტებს ქონების ეროვნული სააგენტოს თავმჯდომარემ ეკატერინე სისაურმა განუცხადა.
მისივე განმარტებით, სწორედ ამ მიზეზით შენობის შესყიდვით დღემდე არავინ დაინტერესებულა.
"საპრივატიზაციო ობიექტების ნუსხაში, სხვა აქტივთან ერთად, ასევე იყო შეტანილი თბილისში, ათონელის ქუჩაზე არსებული რეზიდენციაც. ეს საკმაოდ სპეფიციკური სახის შენობაა, რომელიც დაპროექტებულია როგორც უმაღლესი თანამდებობის პირის რეზიდენცია, შესაბამისად გათვლილი არქიტექტურითა და შიდა სივრცით. ვფიქრობთ, სწორედ ესაა მიზეზი, რომ ამ შენობით დღემდე არც ერთი პოტენციური მყიდველი არ დაინტერესებულა. ვინაიდან შენობის კომერციული მიზნებისთვის მორგება საკმაოდ რთული იქნებოდა. სავარაუდოდ, შენობის გაყიდვა გაჭირდება და მისი გამოყენება მოხდება რომელიმე სამთავრობო უწყების მიერ ან თავდაპირველი დაპროექტების შესაბამისად", - განაცხადა სისაურმა.
ქონების ეროვნული სააგენტოს თავმჯდომარეს არ დაუკონკრეტებია, რომელი სახელმწიფო უწყება შეიძლება განთავსდეს აღნიშნულ შენობაში.
თავად ეკონომიკისა და მდგრადი განვითარების მინისტრის, გიორგი კვირიკაშვილის მიერ ადრე გაკეთებული განცხადების მიხედვით კი, ათონელზე მდებარე რეზიდენციაში შესაძლოა, საგარეო საქმეთა სამინისტრო გადავიდეს. შესაბამისი განცხადება კვირიკაშვილმა პარლამენტში დარგობრივი ეკონომიკისა და საფინანსო-საბიუჯეტი კომიტეტების გაერთიანებულ სხდომაზე სტუმრობისას გააკეთა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
