თურქეთის სასამართლომ "ტვიტერისა" და "იუთუბის" ბლოკირების ბრძანება გასცა
თურქეთის სასამართლომ სოციალური ქსელების - "ტვიტერისა" და "იუთუბის" ბლოკირების ბრძანება გასცა. ამის მიზეზი "ბიბისის" ცნობით, გასულ კვირას სოციალური ქსელებით შეიარაღებული პირების მიერ ტყვედ აყვანილი პროკურორის ფოტოების გავრცელება გახდა, რომელზეც ჩანდა, თუ როგორ ემუქრებოდნენ იარაღით თავდამსხმელები. ეს არ არის პირველი შემთხვევა, როდესაც თურქეთის მთავრობა სოციალური მედიის ვებგვერდებს ბლოკავს.
სასამართლოს გადაწყვეტილებამდე თურქეთის მთავრობამ ონლაინ-გამოცემებს აუკრძალა დატყვევებული პროკურორის ამსახველი ფოტოების გამოქვეყნება, ვინაიდან ქვეყნის ხელისუფლების განცხადებით, გამოცემები ამგვარად "ტერორიზმის პროპაგანდას" ეწეოდნენ. გასულ კვირას თურქეთში მემარცხენე-რადიკალური მარქსისტული დაჯგუფების წევრებმა ის პროკურორი დაატყვევეს, რომელიც 2013 წლის ანტისამთავრობო გამოსვლების დროს დაღუპული თინეიჯერის მკვლელობის საქმეს იძიებდა. მისი გათავისუფლების ოპერაციას პოლიცია მთელი დღის განმავლობაში ცდილობდა, თუმცა ამაოდ. სპეცოპერაციის დროს თავად პროკურორი და კიდევ ორი თავდამსხმელი დაიღუპა.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
