პირველი კადრები: როგორ დაიწვა მიკროავტობუსი რუსთავში
რუსთავში მე-19 მიკრორაიონში, #11 საცხოვრებელი კორპუსის მიმდებარე ტერიტორიაზე, "მერსედეს სპრინტერის" მარკის სამარშრუტო მიკროავტობუსს ცეცხლი გაუჩნდა. ხანძრის შედეგად არავინ დაშავებულა. მიკროავტობუსი მთლიანად დაიწვა. ადგილზე გამოძახებული იქნა რუსთავის ხანძარსაწინააღმდეგო სამსახურის ორი ბრიგადა. მეხანძრეებმა ცეცხლის ჩაქრობას დაახლოებით ერთი საათი მოანდომეს.
აღნიშნულ მიკროავტობუსს მგზავრები თბილისი- რუსთავის მიმართულებით მე-19 მიკრო რაიონიდან უნივერსიტეტის მაღლივი კორპუსის მარსრუტზე მოძრაობდა. თვითმხილველთა თქმით, ადგილზე მდგომ, ცარიელ მანქანას ჯერ კვამლი აუვიდა, შემდეგ კი ცეცხლი მოეკიდა. ზოგიერთი თვითმხილველი აცხადებს, რომ მანქანა აფეთქდა. როგორც თვითმხილველები ვარაუდობენ, #19 მარშრუტის რუსთავ-თბილისის მიკროავტობუსს გაუმართავი გაზის აპარატურის გამო გაუჩნდა ცეცხლი. ადგილზე მობილიზებული იყო საპატრულო პოლიცია. ხანძრის გამომწვევი მიზეზების დასადგენად დაწყებულია მოკვლევა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
