ახმეტის სასაფალაოზე 26 წლის ახალგაზრდა გარდაცვლილი იპოვეს

ახმეტის სასაფალაოზე 26 წლის ახალგაზრდა გარდაცვლილი იპოვეს. ცხედარი თავდაპირველად მესაფლავეებმა შენიშნეს, რის შემდეგადაც სამართალდამცავებს გამოუძახეს. ოჯახის წევრები ეჭვობენ, რომ ჯარჯი კახიშვილი მოკლულია. ერთ-ერთი ვერსიით, გარდაცვლილს ურთიერთობა ჰქონდა ახალგაზრდა ქალთან, ამ ამბის გახმაურების შემდეგ კი ქალის ახლობლებმა კახიშვილზე შური ამ ფორმით იძიეს.

შემთხვევის ადგილზე მობილიზებულები იყვნენ ექსპერტ-კრიმინალისტები. გარდაცვლილის ცხედარი ექსპერტიზისთვის ლევან სამხარაულის სახელობის სასამართლო სამედიცინო ექსპერტიზის გურჯაანის ეროვნულ ბიუროში გადაასვენეს. საქმეს შს ახმეტის რაიონული სამმართველო იძიებს.

"ინტერპრესნიუსი"