მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მერაბ ნინიძემ სპილბერგის ფილმში საბჭოთა ჯაშუშის ახალი სახე შექმნა - როდის იხილავს სურათს ქართველი მაყურებელი
06:11 / 02-04-2015
"ისეთი შეგრძნება მქონდა, რომ ნიჭიერ და შთაგონებულ რეჟისორთან ვმუშაობდი. სპილბერგთან თანამშრომლობა არ იყო რთული. გადაღებაზე ისეთი პირობები შექმნა, რომ არავის უნდოდა სახლში წასვლა. ახლა ფილმს, როგორც ყველა, თვითონაც ველოდები," - ამბობს უცხოეთში მოღვაწე ქართველი მსახიობი მერაბ ნინიძე, რომელიც სტივენ სპილბერგმა ფილმში "ჯაშუშების ხიდი" გადაიღო და რომელსაც მაყურებელი ოქტომბერში იხილავს. ქართველმა მსახიობმა საბჭოთა ჯაშუშის ახლებური სახე შექმნა. აღნიშნულ სურათში მთავარ როლს ტომ ჰენქსი თამაშობს. ნამუშევარი ახლა მონტაჟის პროცესშია.
მერაბ ნინიძე ამჟამად ვენაშია, სხვა ფილმზე მუშაობს და ამიტომ დღეს თბილისის კინოთეატრებში მისი და კახი კავსაძის მონაწილეობით ახალი კრიმინალური კომედიის "შავი და თეთრი" პრემიერას ვერ დაესწრება. ფილმში ასევე მონაწილეობს რუსული კინოსა და თეატრის ცნობილი მსახიობი - ალექსეი ჩადოვი. მერაბს დაღესტნელის როლი აქვს.
გარდაცვლილი დაღესტნელი თაღლითი ანგელოზად ევლინება კაცს, რომელსაც არ უყვარს კავკასიელები. როგორც ამბობენ, რუსულმა კრიტიკამ მერაბ ნინიძის კომედიური როლი დადებითად შეაფასა და მაყურებელმაც ასევე მიიღო. მოკლედ, საინტერესო ამბები ვითარდება "შავისა და თეთრის" მთავარი გმირების - მერაბ ნინიძის და ალექსეი ჩადოვის გარშემო.
ფილმის რეჟისორია ევგენი შელიაკინი.
"ჩემთვის არატიპური და არასახასიათო როლი მომცეს, რაც საჩუქარი იყო მსახიობისთვის. გულწრფელად ვეტყვი მაყურებელს, ეს ფილმი გულს გაუხსნის ყველას, რადგანაც ძალზე ადამიანური და თბილია, - აცხადებს მერაბ ნინიძე იმ როლზე, რომელსაც სულ მალე ქართველი მაყურებელი მართლაც გაიცნობს.
ბოლო დროს კი მსახიობს მთავარი წარმატება 2003 წელს ოსკაროსან ფილმში - "არსად აფრიკაში" ნათამაშებმა მთავარმა როლმა მოუტანა; მისი პარტნიორი იყო ჯულიან კიოლერი;
ახლა კი ქართველები დედაქალაქის კინოთეატრებში მისი და კახი კავსაძის ახალ კინოსახეებს იხილავენ.
ლალი ფაცია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
