რიწის ტბაში ურალის საბაჟოს უფროსის მოადგილე დაიხრჩო

აფხაზეთში, რიწის ტბაში, ურალის საბაჟოს უფროსის მოადგილე, რუსეთის მოქალაქე ვადიმ მასნიკოვი დაიხრჩო. აღნიშნულ ინფორმაციას "სპუტნიკ-აფხაზია" ავრცელებს.

როგორც გამოცემა "სპუტნიკ-აფხაზიას" დე-ფაქტო ხელისუფლების საგანგებო სიტუაციების სამსახურის უფროსმა ლევ კვიცინიამ განუცხადა, 46 წლის ვადიმ მასნიკოვის ცხედარი ჯერ ნაპოვნი არ არის და მიმდინარეობს სამუშაოები. მისივე განმარტებით, საბაჟოს თანამშრომელი რიწის ტბაზე ცოლ-შვილთან და მეგობართან ერთად ისვენებდა.

უბედური შემთხვევა 31 მარტს მოხდა.

წყარო: livepress.ge

livepress.ge