მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ია ფარულავას უნიკალური საჩუქარი ეროვნულ ბიბლიოთეკას - მსახიობის დღემდე უცნობი ფოტოალბომი
08:12 / 01-04-2015
ეროვნულ ბიბლიოთეკაში საინტერესო პროექტებს ახორციელებენ. ერთ-ერთი ყველაზე მნიშვნელოვანი - ძველი, ისტორიული და უნიკალური ფოტოების გაციფრებაა, რაზეც ადრეც ვწერდით. ბიბლიოთეკის თანამშრომლები სოფელ-სოფელ, ოჯახ-ოჯახ დადიან და უზარმაზარ სამუშაოს ატარებენ. ყოველი ფოტო ხომ ერთი პატარა ამბავია და ასე დაგროვდა ბევრი საინტერესო ფოტოდქცეული ამბავი წარსულიდან.
ბოლო დროს ბიბლიოთეკამ თხოვნით თბილისში ცნობილი ადამიანების ოჯახებსაც მიმართა, - საკუთარი არქივებიდან მიეწოდებინათ ფოტოალბომები. ჰოდა, უმრავლესობა ინტერესითა და სიხარულით ერთვება ამ საქმეში.
გიორგი კეკელიძე, ეროვნული ბიბლიოთეკის გენერალური დირექტორი:
- ეს ჩვენი ბიბლიოთეკისა და "ჯეოსელის" ერთობლივი პროექტია - "ციფრული ფოტომატიანე", რომელიც ოჯახ-ოჯახ სიარულსა და ფოტოების გაციფრებას გულისხმობს. საქმე თანდათან მასშტაბური ხდება.
ამასთან, დიდი ხანი არ არის, რაც სხვადასხვა ცნობილი ადამიანის ოჯახური ალბომების გაციფრებაც დავიწყეთ - აქ მხოლოდ ის სურათები არ იგულისხმება, სადაც თვითონ არის ესა თუ ის ცნობილი ადამიანი გამოსახული, არამედ ვხვდებით სხვა პიროვნებებსაც, რომელთა ფოტოებსაც იგი ინახავს.
ცოტა ხნის წინ საკუთარი ფოტოები გასაციფრებლად გადმოგვცა მსახიობმა ია ფარულავამ.
- ანუ დაგთანხმდათ, ხომ?
- ია მოვიდა, მოიტანა თავისი ფოტოარქივი და ჩვენს ლაბორატორიაში (თანამედროვე საბიბლიოთეკო ტექნოლოგიების ცენტრი), თანამშრომლებს სურათების წარწერების გაკეთებასა და აღწერილობაში თავადვე ეხმარებოდა... როგორც ვიცი, ამ ფაქტით ძალიან კმაყოფილია. მას მართლაც საინტერესო და უნიკალური არქივი აქვს.
გვინდა, მსახიობ ია ფარულავას მიერ ეროვნული ბიბლიოთეკისთვის გადაცემული ფოტოალბომიდან რამდენიმე საზოგადოებისთვის უცნობი ფოტო წარმოგიდგინოთ.
სურათზე, რომლითაც სტატია იხსნება, პოპულარული მსახიობი, ქვეყნის ყოფილ პრეზიდენტთან, მიხეილ სააკაშვილთან ერთად არის ასახული (როგორც ცნობილია, ისინი თანაკლასელები იყვნენ).
აქ კი იას მამა, სკულპტორი და მოქანდაკე - ოთარ ფარულავაა აღბეჭდილი. ფოტო ლოს-ანჯელესშია გადაღებული, როდესაც მამა საკუთარი ქალიშვილის - იას ბიუსტზე მუშაობდა.
ია დედასთან - დონარა იმედაძესთან ერთად (ცოტა ხნის წინ გარდაიცვალა) არის. ქალბატონი დონარა წარსულში მოცეკვავე და მოდელი გახლდათ. დედა-შვილი აღნიშნულ ფოტოზე სიეტლში არიან წლების წინ გადაღებულები.
ია და ქრისტინე იმედაძე - მამიდა და ძმისშვილი. ცნობილია, რომ ქრისტინეს ძალიან უყვარს თავისი მამიდა, ისევე როგორ, მამიდას ის.
ეს ფოტო ია ფარულავას თეატრალურ ინსტიტუტში სტუდენტობის პერიოდს ასახავს. სპექტაკლზე "ჯერ დაიხოცნენ მერე იქორწინეს" მუშაობის პერიოდია დაფიქსირებული. საკურსო ნამუშევარია, სადაც ლევან წულაძე, როგორც იას თანაკურსელი, ისეა აღბეჭდილი.
ლალი ფაცია
Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
