რას მიიჩნევს ხალხი მთავრობის მთავარ მიღწევად და ჩავარდნად - IRI-ს კვლევის შედეგები

საერთშორისო რესპუბლიკური ინსიტუტის, IRI-ს მიერ გამოკითხულთა უმრავლესობა საქართველოს მთავრობის მთავარ მიღწევად ჯანდაცვასთან დაკავშირებული პრობლემების მოგვარებას, მთავარ ჩავარდნად კი შეუსრულებელ დაპირებებს მიიჩნევს.

კითხვაზე, რა არის საქართველოს მთავრობის მთავარი მიღწევა, პასუხები შემდეგნაირად გადანაწილდა: ჯანდაცვის პრობლემების გადაწყვეტა – 26%, საყოველთაო დაზღვევის დანერგვა - 9%, აგრალური პრობლემების მოგვარება - 3%, ასოცირების შეთანხმების ხელმოწერა -2%, უფასო სახელმძღვანელოები - 1%, უფასო საბავშვო ბაღები - 1%, სოციალური პრობლემების მოგვარება - 1%, "ნაციონალური მოძრაობის" ჩამოშორება მთავრობიდან - 1%, სიტყვის თავისუფლება - 1%, სამართლიანობის აღდგენა - 1%, განათლების სფეროში არსებული პრობლემები გადაწყვეტა -1%, პენსიების ზრდა - 1%.

ამასთან, გამოკითხულთა 18% მთავრობის მთავარ მონაპოვრად არაფერს მიიჩნევს, 28%-ს კი კითხვაზე პასუხი არ აქვს.

მთავრობის ყველაზე წარმატებულ რეფორმად ასევე ჯანდაცვას ასახელებს გამოკითხულთა 29%, საყოველთაო დაზღვევას – 8%, სასოფლო-სამეურნეოს - 6%, განათლების სფეროს რეფორმას - 5%, პენიტენციური სისტემი რეფორმას – 1%, სასამართლო რეფორმას – 1%, არცერთს - 13%, ხოლო 32%-ს კითხვაზე პასუხი არ აქვს.

რაც შეეხება მთავრობის მთავარ წარუმატებლობას, გამოკითხულთა 26% ასეთად შეუსრულებელ დაპირებებს ასახელებს. შემდეგ რეიტინგში მოდის ინფლაცია - 7%, ეკონომიკური კრიზისი - 7%, უმუშევრობა - 6%, კრიმინალური სიტუაციის გაუარესება - 4%, არაკომპეტენტურობა - 4%, კოჰაბიტაცია - 2%, ტეროტორიული მთლიანობის აღუდგენლობა - 2%, "ნაციონალური მოძრაობის" დაუსჯელობა - 2%, გამოუძიებელი საქმეები - 2%. გამოკითხულთა 5% ამბობს, რომ მთავარობის მთავარი ჩავარდნა არაფერი არ არის, ხოლო 23%-ს კითხვაზე პასუხი არ აქვს.

რაც შეეხება მოლოდინებს, რომელიც მოსახლეობას საქართველოს მთავრობისადმი აქვს, ესენია: სამუშაო ადგილების შექმნა – 19%, ეკონომიკის გაძლიერება – 15%, სამართლიანობის აღდგენა – 7%, პენსიების ზრდა – 4%, ტერიტორიული მთლიანობის აღდგენა – 3%, სოციალური პრობლემების გადაწყვეტა – 2%.

"ინტერპრესნიუსი"