მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
უჩა ნანუაშვილი - ე.წ. კაბელების საქმისთვის საიდუმლო გრიფის მინიჭება აუცილებლობას არ წარმოადგენდა
03:12 / 01-04-2015
ადამიანის უფლებების დაცვის შესახებ სახალხო დამცველის გასული წლის ანგარიშის მიხედვით, პროკურატურის მიუკერძოებლობასთან დაკავშირებით ლეგიტიმური კითხვები რჩება. როგორც ნანუაშვილმა განაცხადა, ეს კითხვები რამდენიმე საქმესთან მიმართებაში არსებობს.
"ლეგიტიმური კითხვები რჩებოდა პროკურატურის, როგორც სისხლის სამართლებრივი დევნის განმახორციელებელი ორგანოს მიუკერძოებლობასთან დაკავშირებით. პროკურატურის მხრიდან აუცილებლობას არ წარმოადგენდა ე.წ. კაბელების საქმისთვის საიდუმლო გრიფის მინიჭება, რამაც გამოძიების საწყის ეტაპზე ხელი შეუშალა დაცვის მხარეს შეუფერხებელი წვდომა ჰქონოდა საქმის მასალებზე. მოგვიანებით პროკურატურამ გაითვალისწინა სახალხო დამცველის რეკომენდაციები და საქმის მასალების მნიშვნელოვან ნაწილს მოეხსნა გრიფი. ამ დრომდე უცნობია სოფელ ლაფანყურთან განვითარებული მოვლენების შესახებ ოფიციალური გამოძიების შედეგები. ინფორმაცია ამის შესახებ არ არის ხელმისაწვდომი არც დაზარალებული ოჯახებისთვის, არც დაინტერესებული პირებისთვის და არც ფართო საზოგადოებისთვის", - განაცხადა ნანუაშვილმა.
მისივე თქმით, საგამოძიებო ორგანოების მხრიდან ეფექტიანი და დროული გამოძიების წარმოებაა აუცილებელი ეროსი კიწმარიშვილის და ბესო ხარძიანის მკვლელობის საქმეებზე. ნანუაშვილის შეფასებით, ამ შემთხვევებთან დაკავშირებით ყველა კითხვას გამოძიების შედეგებით დამაჯარებელი პასუხები უნდა გაეცეს უმოკლეს ვადებში.
"ასევე, დღემდე უცნობია 2013-14 წლებში გახმაურებული საქმეების გამოძიების შედეგები, მათ შორის არის თბილისის მერიის და საკრებულოს თანამშრომლების თავისუფლების სავარაუდოდ უკანონოდ აღკვეთის, ივანე მერაბაშვილის სასჯელაღსრულების დაწესებულებიდან სავარაუდო უკანონო გაყვანის და ნუგზარ წიკლაურის ცემის საქმეები. კანონის მოთხოვნათა სავარაუდოდ დარღვევის შესახებ ლეგიტიმური კითხვები კვლავ რჩება ე.წ. ტრაქტორების საქმეზე, რაც გამოძიების სრულყოფილად ჩატარებას საჭიროებს, თუმცა ამ საქმეებთან დაკავშირებით რაიმე პროგრესი არ შეიმჩნევა", - განაცხადა ნანუაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
