ზვიად ძიძიგური ეჭვობს, რომ საპარლამენტო უმრავლესობას ფარულად მედია და არასამთავრობოები უსმენენ

საპარლემტნო უმრავლესობის წევრი დეპუტატი, ზვიად ძიძიგური ეჭვობს, რომ საპარლამენტო უმრავლესობას ფარულად მედია და არასამთავრობო ორგანიზაციები უსმენენ. ამის შესახებ ზვიად ძიძიგურმა ჟურნალისტებს განუცხადა.

"ჩვენ თვითონ ვართ უმრავლესობა, ხშირ შემთხვევაში, პარლამენტის კედლებშიც კი ფარული მოსმენებისგან დაუცველი. ხშირად წავაწყდებით ხოლმე მასობრივი ინფორმაციის საშუალებებში ჩვენ პარტიულ, უმრავლესობის თუ კოალიციის შეკრებაზე სიტყვა-სიტყვით გადაცემულ რეპორტაჟებს. ანუ, ფარულ მოსმენას პირიქით, უმრავლესობის მიმართულებით ახორციელებენ ეჭვი მაქვს - გარკვეული არასამთავრობოები, ჟურნალისტები და ა.შ. ამიტომ ვფიქრობ, ფარული მოსმენები არ უნდა იყოს ქვეყანაში. ეს ეხება ხელისუფლებას და ხელისუფლებამ უკვე დაიცვა ეს წესი, ეს ეხება ასევე ყველას", -განაცხადა ძიძიგურმა. ფარულ მოსმენა-მიყურადებაზე ე.წ. ორგასაღებიანი სისტემა 31 მარტიდან ამოქმედდა.

"ინტერპრესნიუსი"

სიახლე!

თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.