მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ექსკლუზიური ინტერვიუ თანასოფლელის მიერ მოკლული ჯაბა ელიზბარაშვილის დედასთან
04:13 / 31-03-2015
სოფელ გურჯაანში 26 წლის გია ჩუგოშვილმა ურთიერთშელაპარაკების შედეგად თანასოფლელი, 25 წლის ჯაბა ელიზბარაშვილი სასიკვდილოდ დაჭრა. მომხდარის შესახებ გარდაცვლილის დედა ლუდმილა ელიზბარაშვილი speqtri.ge-თან ექსკლუზიურად მიცემულ ინტერვიუში საუბრობს. მისი თქმით, მედიასაშუალებების მიერ გავრცელებული ინფორმაცია სიმართლე არ არის და მისი შვილი ყაჩაღობისთვის დაკავებული არ ყოფილა.
"ნათესავები ვეღარ დამირწმუნებია, რომ ჩემი შვილი ყაჩაღი არ იყო. რეალურად ჩემი შვილი ქურდობისთვის 177-ე მუხლით გაასამართლეს, 3 წელი ჩასვეს და სამი წელი პირობითი მისცეს, თუმცა დარწმუნებული ვარ, უდანაშაულო იყო. თქვეს, რომ ორი სვიტრი მოიპარა, მაშინ, როდესაც ბიჭი მეორადებში არ ყიდულობდა ტანსაცმელს და სხვის ხელგაყრილს არაფერს იცვამდა; თქვეს, რომ რაღაც ანტენიანი ტელეფონი მოიპარა "ერიქსონ ცე", მაშინ როცა ბოლო გამოშვება, შვიდასლარიანი, "ლიფტიანი ტელეფონი" ეკავა ხელში. ყოველთვის ვეუბნებოდი, ცუდი არავის დაუშავო, თორემ გაგრიყავ-მეთქი. ორი თვე საპატიმროში მის სანახავად არ მივდიოდი, სანამ სიმართლე არ დავადგინე. ეს ბრალდება პოლიციის შეთითხნილი იყო. ვარკეთილში, იმ კორპუსში ჩემი ბიძაშვილი ცხოვრობს. გავარკვიეთ, რომ ბინაში, რომლის გაქურდვაც ჩემს შვილს ბრალდებოდა, არაფერი იყო, უპატრონოდ მიტოვებული და ცარიელია, ყველა შეძლებდა იქ შესვლას. ისიც გავარკვიეთ, რომ ეს კორპუსი ე.წ. პოლიციის კორპუსი იყო, სადაც მუდმივად მიდი-მოდიოდნენ და ბნელ საქმეებს აკეთებდნენ. ჩემი შვილი მაშინ მე-3 კურსის სტუდენტი იყო, არაფერს ვაკლებდით, არაფერი სჭირდა სამაგისო, რომ რამე მოეპარა", - ამბობს მოკლულის დედა.
ლუდმილა ელიზბარაშვილი ყვება, რომ პოლიცია ჯაბას ციხიდან გამოსვლის შემდეგაც ავიწროებდა.
"ჯაბა ხშირად იყო კაფეში, ან მეგობრებთან ერთად გურჯაანის ცენტრში, პაპას ბაღში იჯდა ხოლმე. პოლიციისგან მარტო ის ესმოდა, აქ რას უდგახარ, იქ რას უდგახარო, გამოჰყავდათ წყობილებიდან. ბოლოს, ბავშვი რომ შეწუხებულა, ერთ-ერთისთვის უთქვამს, ეს მიწა შენიაო? - უპასუხეს არაო, ჰოდა მაშინ ჩემია და უნდა ვიაროო. სპორტდარბაზშიც კი დაიწყო ვარჯიში. მიზეზი რომ ვერაფერი მოუძებნეს და შარი ვერ მოუდეს, 173-ე მუხლით, დაუმორჩილებლობის გამო ხუთასლარიანი ჯარიმა, დაუწერეს", - ამბობს ლუდმილა ელიზბარაშვილი.
მოკლულის დედა გია ჩუგოშვილთან კონფლიქტის დეტალებზეც საუბრობს და ამბობს, რომ მის შვილსა და მკვლელობაში ეჭვმიტანილს შორის ჩხუბი სიმღერის გამო არ მომხდარა.
"როდის იყო ჩემი შვილი ვიღაცას სიმღერას უშლიდა, სიმღერაც უყვარდა და ქეიფიც. სინამდვილეში, სიტუაცია სულ სხვაგვარად იყო. როგორც მეუღლე მომიყვა, ქუჩაში ხმაური გაიგონა. ჩუგოშვილი ჯაბას აგინებდა და უწმაწურ სიტყვებს ეუბნებოდა. ნასვამი იყო და ჩემს შვილს ემუქრებოდა, რომ სანამ გულში დანას არ გაგიყრი და არ გამოგიფატრი, არ მოვისვენებო. სიმართლე გითხრათ, მანამდე რა მოხდა, ჩემს მეუღლეს არ გაუგია, მაგრამ სიმღერის გამო კონფლიქტი ნამდვილად არ ყოფილა. მას მერე, რაც ჩუგოშვილი სახლში წავიდა, ჯაბამ სიტუაციის გარკვევა მოინდომა. მამამისს ეუბნებოდა, უნდა გავარკვიო, რატომ მომაყენა შეურაცხყოფაო. ჩემს მეუღლეს უთქვამს, გამოფხიზლდეს და დილაზე ნახეო, მაგრამ ჯაბა არ დასთანხმებია. თუ მამა ხარ და გიყვარვარ, გამომყევიო. მივიდა თუ არა და ჩუგოშვილების ეზოს კარი შეაღო, პირდაპირ გულში ჩასცა ჩემს შვილს დანა. ამის დანახვაზე ჩემი მეუღლე მივარდა, რას აკეთებ, ბიჭოო და ისიც დაჭრა. არ ვიცი, კართან ელოდებოდა თუ მოსაკლავად მოდიოდა, მაგრამ ფაქტია, რომ ჯაბას მოკვლა გადაწყვეტილი ჰქონდა. დაჭრილმა ჩემმა მეუღლემ ბიჭი მანქანით საავადმყოფოში წაიყვანა, ოთხის თერთმეტი წუთი იყო, რომ დამირეკა და მითხრა, ძალიან ცუდად ვარ, გადმომხედეო. ნოდარმა დღემდე არ იცის, რომ ჯაბა დაიღუპა. ინციდენტის დროს ჩუგოშვილებს არაფერი გაუგიათ, მხოლოდ მაშინ გამოვიდნენ სახლიდან, როდესაც ჩემმა მეუღლემ ქუჩის კარი დააბრახუნა, დამეხმარეთო", - ამბობს გარდაცვლილის დედა.
ლუდმილა ელიზბარაშვილი ამბობს, მიუხედავად იმისა, რომ გია ჩუგოშვილი შარიანი იყო და სიმთვრალეში უმართავი ხდებოდა, ჯაბასთან კონფლიქტი არასოდეს მოსვლია. მათ კეთილმეზობლური ურთიერთობა ქონდათ და მხოლოდ ჯაბას შეეძლო ნასვამ მდგომარეობაში მყოფი გიას დამშვიდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
