მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ არის ბიზნესმენი ბესიკ ხარძიანი, რომელიც საკუთარ სახლთან დაჭრეს და რას ყვებოდა ინციდენტამდე - "ამიტომ გადაწყვიტეს ჩემი გაუბედურება"
07:06 / 28-03-2015
განახლებული| ბესო ხარძიანი გარდაიცვალა - ბიზნესმენი 4-მა ტყვიამ იმსხვერპლა
დღეს ბიზნესმენ ბესო ხარძიანს ესროლეს. ბიზნესმენი დაჭრილია და რესპუბლიკურ საავადმყოფოშია მოთავსებული. Ambebi.ge დეტალების გარკვევას ცდილობს და დამატებით ინფორმაციას მოგაწვდით, მანამდე კი გთავაზობთ ინფორმაციას ბიზნესმენის შესახებ.
ბიზნესმენი ბესიკ ხარძიანი კუს ტბის აქციებს ფლობდა. ის აცხადებდა, რომ ერთ-ერთია იმ ბიზნესმენთაგან, რომლებიც წინა ხელისუფლების პირობებში უსამართლოდ დააკავეს.
"ვანო მერაბიშვილის ბრძანებით ჰეროინი ჩამაყარეს პირში", - ეს განცხადება ბიზნესმენმა ბესო ხარძიანმა გასულ წელს გადაცემა "დიდ პოლიტიკაში" გააკეთა.
ხარძიანი იმედს გამოთქვამდა, რომ პროკურატურა მისი საქმით დაინტერესდება. ამასთან, აღნიშნულ ინტერვიუში ბიზნესმენმა აღნიშნა, მის დაკავებაში ყოფილი მთავარი პროკურორის მოადგილე, დავით ჩხატარაშვილი იყო ჩარეული.
"იმედია ახალი პროკურატურის პირობებში დამკითხავენ. დავით ჩხატარაშვილს, ჩემი ციხეში ყოფნის დროს, გიორგი უდესიანთან ერთად კუს ტბა არაბებისთვის 40 მილიონად უნდა მიეყიდა. ამის მტკიცებულება მაქვს, რომ მთავარი პროკურორის მოადგილე, დავით ჩხატარაშვილი იყო ჩარეული, ამიტომ დამიჭირეს და გადაწყვიტეს ჩემი გაუბედურება".
როგორც ბიზნესმენმა განაცხადა, კუს ტბის აქციების იძულებით გადაფორმების შემდეგაც არ გაათვისუფლეს ციხიდან. ხარძიანის განცხადებით, მის საქმესთან პირდაპირ კავშირში იყვნენ გიორგი უდესიანი და ვინმე ქურასბედიანი.
"გამოსვლის შემდეგ შევხვდი ქურასბედიანს, პიროვნება აპირებდა დაბრუნებას, მაგრამ ერთ მშვენიერ დღეს დამირეკა და მითხრა, რომ უკვე პროკურატურასთან საქმე "გაიასნებული" გვაქვსო. ჩხატარაშვილი ლაშა ნაცვლიშვილის მრჩეველი იყო და როცა ქურასბედიანმა ეს გვარები მიხსენა, ოჯახში ვესტუმრე ლაშა ნაცვლიშვილს, არ დამხვდა, ჩემი კოორდინატები დავუტოვე, რომ მას აბრალებდნენ და გაერკვია, მაგრამ არ დავუბარებივარ და არ გაურკვევია, ამიტომ ფიცი მწამს, ბოლო მაკვირვებს".
ხარძიანი აცხადებდა, რომ მასზე ზეწოლა მიმდინარეობდა და ე.წ. მილიონნახევარ დოლარად ნაყიდი "გარაჟიც" ამის შედეგი იყო.
"აუქციონზე, რომელიც სიღნაღში 2007 წელს გაიმართა, 37 ათასად ღირებული "გარაჟი" მილიონნახევარ დოლარად ვიყიდე. სასტუმრო "საქართველოს" მეპატრონე გახლდით. დირექტორები დაიჭირეს, მათ შორის ერთ-ერთი ჩემი გარდაცვლილი მეგობრის მამა იყო. ასეთი ზეწოლის ქვეშ როგორ არ უნდა გადამეხადა? რა უნდა გამეკეთებინა? რა გამოსავალი იყო, როცა დაჭერას მპირდებოდნენ? ფინანსურ პოლიციაში იყო გრიგოლ ფერაძე, ვინც წამიყვანა, ამას გელოვანი, დღევანდელი პარლამენტარი ნიკოლეიშვილი და ვინმე ქარსელაძე ესწრებოდნენ. ასეთი ზეწოლის ქვეშ, როცა დაგიჭერენ ახლობლებს, და გემუქრებიან, სხვა გამოსავალი არაა, ბიზნესიც უნდა გადამერჩინა და საკუთარი ოჯახის წევრებიც", - იხსენებდა ბიზნესმენი.
იგივე ინტერვიუში ხარძიანმა პატიმრობაში ყოფნის წლები გაიხსენა და აღნიშნა, რომ დათა ახალაია ნასვამ მდგომარეობაში მისული იყო გლდანის ციხის დირექტორთან, რომლის ოთახშიც ბიზნესმენისთვის "ყველაფერი საშინელება უნდა ჩაეტარებინათ".
"გლდანის ციხის კორპუსიდან გავიქეცი გასასვლელამდე, ვყვიროდი, რომ მოკვლას მიპირებდნენ და ამან შეაფერხა. ორი წელი ციხეში მაწამებდნენ, მაგრამ სულიერად ვერ გამტეხეს. სანამ ე.წ. კარანტინში ვიჯექი, ყოველ დღე მცემდნენ", - იხსენებდა ბიზნესმენი.
შეგახსენებთ, რომ არსებული ინფორმაციით, თბილისში ბიზნესმენი ბესო ხარძიანი საკუთარ სახლთან ცეცხლსასროლი იარაღით დაჭრეს. გავრცელებული ინფორმაციის თანახმად, ბიზნესმენი თავის არეშია დაჭრილი. ბესო ხარძიანი უკვე გადაყვანილია საავადმყოფოში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
