მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მუსლიმი თუ ხარ, ისლამურ ქვეყანაში წადი, იქ თავს უკეთ იგრძნობ" - დისკრიმინაცია აეროპორტში
02:46 / 26-03-2015
"მუსლიმი თუ ხარ, ისლამურ ქვეყანაში რატომ არ მიდიხარ? თუ მუსლიმი ხარ, წადი, იქ თავს უკეთ იგრძნობ", - ასე მიმართა თბილისის საერთაშორისო აეროპორტში საპასპორტო კონტროლის გავლამდე პატრულ-ინსპექტორმა საინფორმაციო ცენტრების ქსელის კორესპონდენტს სულხან ბორძიკაშვილს, რომელიც პროფესიული გაცვლითი პროგრამის ფარგლებში ამერიკის შეერთებულ შტატებში გაემგზავრა.
სულხან ბორძიკაშვილმა საინფორმაციო ცენტრების ქსელს წერილი გამოუგზავნა, სადაც დეტალურად აღწერს აეროპორტში მასზე განხორციელებულ დისკრიმინაციის ფაქტს.
"სულ ექვსნი ვიყავით. ჩემ გარდა პროგრამის დანარჩენი მონაწილეები უპრობლემოდ გაატარეს. მე შემაყოვნეს დაახლოებით 20-25 წუთი. არ მიშვებდნენ. საპატრულო პოლიციის თანამშრომელი მეკითხებოდა, სად მივდიოდი, რატომ მივდიოდი და ა.შ. მე მას განვუმარტე, თუმცა პასპორტში ნანახი ჰქონდა უკვე, რომ მივდიოდი ამერიკაში პროფესიული გაცვლითი პროგრამის "ღია სამყარო" ფარგლებში. მერე მკითხა, "ღია სამყარო" რა პროგრამა იყო. ვუპასუხე, რომ ეს არის პროფესიული გაცვლითი პროგრამა, რომელსაც საერთაშორისო განათლების ამერიკული საბჭოები ახორციელებს და ფინანსდება აშშ-ის კონგრესის ბიბლიოთეკის მიერ.
ამის შემდეგ მკითხა, რატომ მიგაჩნია, რომ საქართველოში რელიგიურ უმცირესობას წარმოადგენ, მუსლიმები ხომ უმრავლესობაში ხართო? რას ამბობთ, მუსლიმები საქართველოში უმცირესობა ვართ-მეთქი.
მონაცემთა ბაზა ჰქონდა გახსნილი და კითხულობდა. ჩემთვის ცნობილი იყო, რომ პანკისის ხეობაში მცხოვრებ მუსლიმებს საქართველოდან გასვლის ან შემოსვლის დროს აეროპორტში ასეთი და უარესი პრობლემები ექმნებათ.
სიტუაციის დაძაბვას მაქსიმალურად ვერიდებოდი, ამიტომ ამ შეურაცხყოფაზეც წყნარად მივუგე, მე საქართველოს მოქალაქე ვარ, აქ დაბადებული და გაზრდილი, თავს კარგად ვგრძნობ და აქ იმიტომაც ვარ-მეთქი.
კითხვები ამით არ ამოიწურა. დუბაიში რატომ არ მიდიხარო? შესაძლებლობა როცა მექნება, დუბაიშიც წავალ-მეთქი.
ამის მერე უკვე მე ვკითხე. რატომ მაინცდამაინც მე დამაყოვნეთ ამდენ ხანს და მე მიტარებთ გამოკითხვას, პროგრამის დანარჩენი მონაწილეები კითხვების გარეშე, რამდენიმე წამში გაუშვით-მეთქი? მიპასუხა, პასუხს ველოდებიო.
რამდენიმე წუთის შემდეგ, მითხრა, რომ პასუხი მიიღო, სავარაუდოდ, კონტრდაზვერვის დეპარტამენტიდან და საპასპორტო კონტროლი გავიარე", - წერს სულხან ბორძიკაშვილი წერილში.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქართველოს შეიარაღებულ ძალებში არის ასობით მუსლიმი მეომარი! ეთინიკური ქართველები, აზერები, ქისტები და არავიზე ნაკლები ქართველები არიან! მოდი აბა რომელიმე გრუზინი რუსეთუმე შეედაროს ამათ. სამარცხვინოები ხართ აეროპორტის პოლიცია, ეს უკვე მერამდენე შემთხვევაა. თქვენ წადით რუსეთში ვითომ პატრიოტო, ცრუ ქრისტიანო საქართველოს მოღალატებოო!