მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კვირიკაშვილი ლარის ძველ ნიშნულზე დაბრუნებას გამორიცხავს - ეკონომიკის მინისტრის გულახდილი პროგნოზი
02:34 / 23-03-2015
ვიცე-პრემიერი, საქართველოს ეკონომიკისა და მდგრადი განვითარები მინისტრი გიორგი კვირიკაშვილი ლარის კურსის ძველ ნიშნულზე დაბრუნებას გამორიცხავს.
ამის შესახებ გიორგი კვირიკაშვილმა გაზეთ "კვირის პალიტრისთვის" მიცემულ ინტერვიუში განაცხადა.
კითხვაზე, რა ნიშნულზე და რამდენ ხანშია შესაძლებელი ლარის კურსის დასტაბილურება, კვირიკაშვილის ამბობს, რომ ამის თქმა ძალიან რთულია, თუმცა მინისტრი ეროვნული ვალუტის ძველ ნიშნულზე დაბრუნებას გამორიცხავს.
"ძალიან რთულია ამის თქმა, თუმცა ძველ ნიშნულზე ლარის კურსის დაბრუნებას გამოვრიცხავ. შესაძლოა, ზაფხულში უფრო დასტაბილურდეს ვითარება და ლარი გამყარდეს, თუმცა ინფლაციის მიზნობრივი მაჩვენებლის მისაღწევად რა იქნება უკეთესი - არ დავუშვათ ლარის გამყარება, იმვე დონეზე დავტოვოთ, თუ სხვა - ამას ეროვნული ბანკი გადაწყვეტს. შემოდგომის ვითარება დიდად არის დამოკიდებული ჩვენ გარშემო პოლიტიკური სიტუაციის განვითარებაზე, თუმცა მნიშვნელოვან რყევებს ნამდვილად არ ველოდებით. ჩვენ გარშემო ქვეყნებისა და მთავარ სავაჭრო პარტნიორებთან ჩვენი ვალუტის გამყარების შედარებითი მაჩვენებლები უნდა იძლეოდეს საფუძველს ქვეყნის ეკონომიკური კონკურენტუნარიანობისთვის, ექსპორტის წახალისებისთვის", - განაცხადა კვირიკაშვილმა.
"კვირის პალიტრისთვის" მიცემულ ამავე ინტერვიუში კვირიკაშვილმა იმ სამნაწილიან გეგმაზე ისაუბრა, რომელიც მთავრობას აქვს.
"გეგმის პირველი ნაწილი მოგვცემს მოკლევადიან პერსპექტივაში სავალუტო სტაბილიზაციის ეფექტს. შემდეგი ეტაპები უფრო ქვეყნის განვითარების სტრატეგიასთან არის კავშირში - ექსპორტისა და ექსპორტზე ორიენტირებული საწარმოების წახალისება. ძალიან აქტიურად ვმუშაობთ, უამრავი ობიექტი მოვამზადეთ საპრივატიზაციოდ, გამოვიტანეთ კიდეც. ნაწილი მზადდება. აქამდე რატომ არ ვახორციელებდით პრივატიზაციას? შარშან 100 მილიონი ლარი შემოვიდა პრივატიზაციიდან, რაც ცოტა არ არის. გაჩერებული არ ვყოფილვართ, უბრალოდ ძალისხმევის გაორმაგებაზეა ლაპარაკი. 100%-ით, რა თქმა უნდა, არაფერი სრულდება", - განაცხადა კვირიკაშვილმა.
მისივე თქმით, თუ დანაკლისი იქნება საპრივატიზაციო მიმართულებით, ხელისუფლებას სათადარიგო გეგმაც აქვს.
"შესაძლოა, ტურიზმით დავაბალანსოთ. შესაძლოა, უფრო მეტი ვალუტის შემოტანა მოხდეს დონორების დაფინანსებით და ინფრასტრუქტურული პროექტების ზესაბიუჯეტო პორტფელს უფრო გავზრდით. რამდენიმე გზა არსებობს, თუმცა ჩვენ იმედი გვაქვს, რომ იმ ობიექტების მიმზიდველობა, რომლებიც საპრივატიზაციოდ შევარჩიეთ, საკმაოდ მაღალია", - განაცხადა კვირიკაშვილმა.
იხილეთ "კვირის პალიტრის" ექსკლუზიური ინტერვიუ გიორგი კვირიკაშვილთან
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
