6
ივნისიდღის ზოგადი ასტროლოგიური პროგნოზი
თბილისის გრან-პრიზე საქართველოს ვაჟ ძიუდოისტთა ნაკრებმა გამოსვლა ორი ოქროს, სამი ვერცხლისა და ორი ბრინჯაოს მედლით დაასრულა.
ორ წონით კატეგორიაში ქართული ფინალი შედგა. ჩემპიონები ბექა ღვინიაშვილი (90 კგ) და ლევან მატიაშვილი (+100) გახდნენ, რომლებმაც ვალერი ლიპარტელიანსა და ადამ ოქრუაშვილს სძლიეს.
თბილისის გრან-პრის მეორე საშეჯიბრო დღეს ვიცე-ჩემპიონი უშანგი მარგიანი (81) გახდა, ხოლო ბრინჯაოს მედლები ლაშა შავდათუაშვილმა და ნუგზარ ტატალაშვილმა (ორივე 73) მოიპოვეს.
ტურნირის ბოლო დღეს კიდევ ერთი მედლის მოპოვების შანსი ჰქონდა საქართველოს - ბრინჯაოს მედლისთვის ბრძოლა დათმო ალექსანდრე მსხალაძემ (100 კგ), რომელიც ლატვიელ ჟევგენის ბოროდავკოსთან დამარცხდა. სხვა ქართველმა ძიუდოისტმა ვაჟებმა ასპარეზობა ადრეულ ეტაპებზევე დაასრულეს. წარუმატებლად იჭიდავა ქალთა შორის საქართველოს ერთადერთმა წარმომადგენელმა ირინე ლეონიძემაც (+78).
