მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დიდება საქართველოს, ჯაყო ივანიშვილის გარეშე - ირმა ნადირაშვილი
09:44 / 21-03-2015
საქართველოს არ აქვს უფლება, რომ ერთი მდიდარი ავანტურისტის ექსპერიმენტზე იცხოვროს, - ამის შესახებ "ნაციონალური მოძრაობის" ერთ-ერთმა ლიდერმა ირმა ნადირაშვილმა "თავისუფლების მოედანზე" მიმდინარე აქციის დროს სიტყვით გამოსვლისას განაცხადა.
მისივე თქმით, "ქართულმა ოცნებამ" საქართველო გააჩერა.
"გაუფასურდა ლარი, ჩამოიშალა ეკონომიკა, შეაჩერეს ინფრასტრუქტურული პროექტები, ციხეში ჩაყარეს პოლიტიკური ოპონენტები, აქ არის ალბათ, ძალიან ბევრი ადამიანი, რომელიც სამსახურიდან მარტო იმიტომ გამოუშვეს, რომ თავისი ნათესავები მიეღოთ. მათ დააბრუნეს კორუფცია და არქივიდან ამოქექეს სიტყვა "სეკვესტრი". მათ შემოიღეს ბრიყვული სავიზო რეგულაციები, შელახეს პოლიციის იმიჯი, გაურიგდნენ "კანონიერ ქურდებს" და დღეს საქართველო აქციეს იმ ქვეყნად, სადაც თვითმფრინავებიდან "კანონიერი ქურდები" ქრებიან და არც კი რცხვენია კალაძეს მისი დავალებით "კანონიერ ქურდებს" ხვდებიან და აცილებენ. ეს ხელისუფლება ატყუებს ხალხს და მგონია, რომ ეს ხელისუფლება აღარ არის ღირსი, რომ თქვენი იმედი ჰქონდეს და თქვენი ნდობით სარგებლობდეს, თითოეული დღე, როდესაც საქართველოს ეს მთავრობა ჰყავს, ეს არის წართმეული დღეები ჩვენთვის და ჩვენი შვილებისთვის. ეს არის წართმეული შესაძლებლობა, რომ მათ იცხოვრონ თავისი შრომისა და ნიჭის შესაბამისად", - განაცხადა ნადირაშვილმა.
მისი თქმით, საქართველოს მთავრობის პოლიტიკის არქონამ საქართველო დააბრუნა არშემდგარი სახელმწიფოების რიგებში.
"დღეს არავის არ აქვს ილუზია, რომ ეს უუნარო ადამიანები შეძლებენ ვითარების გამოსწორებას, დღითიდღე ინგრევა საქართველოს იმიჯი, მმართველი გუნდის წევრებისგან გვესმის საქართველოს საგარეო კურსის ცვლილების შესახებ. საქართველოს არ აქვს უფლება, რომ ერთი მდიდარი ავანტურისტის ექსპერიმენტზე იცხოვროს და ჩვენ არ ვიცხოვრებთ ივანიშვილის დაკრულზე. საქართველოს სჭირდება მთავრობა, რომელიც მოსახლეობის კეთილდღეობაზე იზრუნებს, ჩვენ დღეს გყავს ვიგინდარების კრებული, რომლებმაც ჯერ ინვესტიციებს ჩაუკეტა საზღვარი და გვპირდებიან, რომ ჰიგიენურ საშუალებებზე და რბილ ავეჯზე დაზოგავენ ფულს და ეკონომიკას რამეს უშველიან, თქვენ ნახეთ, რომ რბილი ავეჯიდან ერთი ადგილის აწევა არ უნდათ, ჩვენ ვაიძულებთ, რომ ხალხის ხმა გაიგონონ. ბიძინამ გვითხრა, რომ მესამე წელი კარგი იქნებაო, ვეთანხმები ეს იქნება ის წელი, როდესაც ბიძინა ივანიშვილი დატოვებს ამ ხელისუფლებას და წავა სახლში. დიდება საქართველოს, ჯაყო ივანიშვილის გარეშე, დიდება თავისუფლებას", - განაცხადა ირმა ნადირაშვილმა.
მეტი ინფორმაციისთვის
თვალი ადევნეთ აქციასთან დაკავშირებულ ყველა საინტერესო დეტალს თეგზე #21 მარტის აქცია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
