მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გივი თარგამაძის განცხადება შსს-დან მისი ინფორმატორის გათავისუფლების შესახებ
13:03 / 19-03-2015
დეპუტატ გივი თარგამაძის განცხადებით, შსს-დან გათავისუფლებული თანამშრომელი მას გარკვეულ ინფორმაციებს აწვდიდა, როგორც დეპუტატსა და ნდობის ჯგუფის წევრს.
როგორც თარგამაძემ ჟურნალისტებთან საუბრისას აღნიშნა, ეს არ იყო მხოლოდ ერთი შემთხვევა. "რუსლან ბაზიაშვილი არის ძალიან პროფესიონალი. მას აქვს დიდი ღვაწლი ასლან აბაშიძის რეჟიმის დამარცხებაში, ასევე საქართველოში რუსეთის აგენტურის გამოვლინებაში. მან მიიღო ერთადერთი სწორი გადაწყვეტილება, როდესაც მისი ხელმძღვანელობა იყო ჩართული ქურდულ-პოლიციურ სინდიკატში, მომაწოდა ინფორმაცია, როგორც პარლამენტისა და ნდობის ჯგუფის წევრს. გამომდინარე იქიდან, რომ ეს ნდობის ჯგუფი პარლამენტში არ მოქმედებს, მე ეს ინფორმაცია გავასაჯაროე. ის არის მისაბაძი ადამიანი, რომელმაც არ დააყენა საკუთარი თანამდებობა პოლიციელობაზე მაღლა. უნდა გავაფრთხილი ხელისუფლება, რომ თუ ამ ადამიანზე გაგრძელდება რამე სახის დევნა, ის აუცილებლად იქნება დაცული ჩვენი და შესაბამისი ორგანოების მიერ. უმეტესობა შინაგან საქმეთა სამინისტროში მომუშავეებისა, სწორედ მაღალი ღირსების ადამიანები არიან და მე ვპირდები, რომ მათი ღირსება იქნება დაცული", - განაცხადა გივი თარგამაძემ.
შინაგან საქმეთა სამინისტრომ "ნაციონალური მოძრაობის" წევრ გივი თარგამაძესთან თანამშრომლობის გამო საპატრულო პოლიციის თანამშრომელი რუსლან ბაზიაშვილი სამსახურიდან დაითხოვა. აღნიშნულთან დაკავშირებით დღეს გამართულ პრესკონფერენციაზე განცხადება გენინსპექციის უფროსის მოადგილემ ვარლამ ხათრიძემ გააკეთა.
შსს-ის ცნობით, ბაზიაშვილი თარგამაძეს ინფორმაციებს სისტემატურად აწვდიდა.
"შსს-ს გენერალური ინსპექციის მიერ ჩატარებული სამსახურებრივი შემოწმების შედეგად დადგენილია იმ თანამშრომლის ვინაობა, რომელიც შსს-ს ბაზაში არსებულ დაცულ ინფორმაციას "ნაციონალური მოძრაობის" წევრ გივი თარგამაძეს სისტემატურად აწვდიდა. დადგინდა, რომ საპატრულო პოლიციის თანამშრომელი რუსლან ბაზიაშვილი თავისი კუთვნილი გენერირების მოწყობილობა "დიჯიპასის" მეშვეობით სამინისტროს დაცულ კომპიუტერულ ბაზაში შევიდა, მოქალაქე რამაზ დევაძის შესახებ ინფორმაცია არასამსახურებრივად მოიძია და საზღვრის კვეთის ამსახველი ფოტომასალა გივი თარგამაძეს მიაწოდა. შემდგომ აღნიშნული ინფორმაცია ერთ-ერთმა ტელეკომპანიამ საკუთარი ეთერისთვის გამოიყენა. ასევე დადგინდა, რომ რუსლან ბაზიაშვილმა გივი თარგამაძეს შსს-ს დაცული ინფორმაცია სხვადასხვა პერიოდში არაერთხელ გადასცა. გენერალური ინსპექციის დასკვნის საფუძველზე, რუსლან ბაზიაშვილი სამსახურიდან დათხოვნილია", - აცხადებენ შსს-ში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
