მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 23:39-ზე, მთვარე თევზებში იქნება 03-44-დან –რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. მოერიდეთ ეგოიზმს და საკუთარი შესაძლებლობების გადაჭარბებულ შეფასებას. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. აქტიურია ზურგის ზედა ნაწილი. გაუფრთხილდით ხერხემალს. მთვარის ამ დღეს შექმნილი ოჯახები იშვიათად იშლება ეჭვიანობის, ღალატის ან ფინანსური პრობლემების გამო.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პესკოვის თქმით, ქართველი და რუსი დიპლომატები ორი ქვეყნის პრეზიდენტების შეხვედრას არ გამორიცხავენ
08:59 / 19-03-2015
ექსპერტები მოკავშირეობისა და ინტეგრაციის შესახებ ე.წ. ხელშეკრულებების გაფორმების ფონზე, რუსეთისა და საქართველოს უმაღლესი პირების შეხვედრას მიზანშეწონილად არ მიიჩნევენ, - ასე გამოეხმაურნენ ისინი რუსეთის პრეზიდენტის პრესმდივნის, დიმიტრი პესკოვის განცხადებას საქართველოსა და რუსეთის პირველი პირების შესაძლო შეხვედრის თაობაზე. როგორც ჟურნალისტებს "აღმოსავლეთ პარტნიორობის სამოქალაქო საზოგადოების ეროვნული პლატფორმის" ხელმძღვანელმა, ლაშა ტუღუშმა განუცხადა, მისთვის გაუგებარია, თუ რაზე შეიძლება ილაპარაკონ ამ ვითარებაში საქართველოსა და რუსეთის პირველმა პირებმა.
"თუ ილაპარაკებენ იმაზე, რომ საქართველოს დაუბრუნდეს ტერიტორიები, რომლებიც დღეს ოკუპირებული აქვთ, კი ბატონო. წინააღმდეგ შემთხვევაში, ჩემთვის ძნელი წარმოსადგენია, მითუმეტეს იმ ფონზე, რაც გუშინ გაფორმდა, ე.წ. ხელშეკრულება რუსეთსა და ცხინვალის რეჟიმს შორის, რაზე უნდა ვესაუბროთ მათ?" - განაცხადა ლაშა ტუღუშმა. იგივე მოსაზრება აქვს ექსპერტს საგარეო ურთიერთობათა საკითხებზე კახა გოგოლაშვილს.
"მე მიმაჩნია, რომ ამ ვითარებაში საერთოდ არ შეიძლება მაღალ დონეზე შეხვედრა რუსეთთან, რადგან ის ნაბიჯები, რომლებიც ბოლო ხანებში გადაიდგა რუსეთის მიერ ძალიან ცინიკურია და ლახავს საქართველოს სუვერენიტეტს, ტერიტორიულ მთლიანობას და მე ვიტყოდი, ღირსებას. აქ ვგულისხმობ როგორც აფხაზეთთან, ასევე ცხინვალის რეგიონთან ხელმოწერილ ე.წ. შეთანხმებებს. ამ ვითარებაში რაიმე სახის მაღალი დონის შეხვედრა, მე მგონი, საქართველოს არანაირ სიკეთეს არ მოუტანს", - განაცხადა გოგოლაშვილმა.
რუსეთის პრეზიდენტის პრესსპიკერის დიმიტრი პესკოვის განცხადებით, რუსი და ქართველი დიპლომატები არ გამორიცხავენ ორი ქვეყნის პრეზიდენტების - გიორგი მარგველაშვილისა და ვლადიმერ პუტინის შეხვედრის შესაძლებლობას. ამის შესახებ "რია ნოვოსტის" ცნობით, ვლადიმერ პუტინის პრესსპიკერმა, დიმიტრი პესკოვმა ჟურნალისტებს განუცხადა. "როგორც ჩემთვის ცნობილია, ორი ქვეყნის დიპლომატები და ოფიციალური პირები კვლავინდებურად არ გამორიცხავენ მსგავსი შეხვედრის გამართვას განსაზღვრული გარემოებების გათვალისწინებით, თუ გრაფიკი ამის საშუალებას მოგვცემს", - განაცხადა დიმიტრი პესკოვმა.
მისივე თქმით, რუსეთი თავის მეზობლებთან კარგი ურთიერთობის მომხრეა. "რუსეთი ყოველთვის მიიჩნევდა ქართველებს მონათესავე და მეგობარ ხალხად ისტორიულად და ეს გრძნობები, ჩვენ გვჯერა, რომ ახლაც არსებობს და იქნება მომავალშიც. რუსეთი, რა თქმა უნდა, დაინტერესებულია ურთიერთობის ნორმალიზაციით", - აღნიშნა პესკოვმა.
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აშშ უკრაინისთვის გაგზავნის Patriot -ის სარაკეტო კომპლექსებს, რომელთა ღირებულებსაც ევროკავშირი აანაზღაურებს - რა გეგმა აქვს აშშ-ის პრეზიდენტს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
