ვანუატუში დაღუპულთა რიცხვმა 24-ს მიაღწია
ვანუატუში ძლიერი ციკლონის შედეგად დაღუპულთა რიცხვმა 24-ს მიაღწია. ამის შესახებ "ბიბისი" იტყობინება. ძლიერმა შტორმმა, რომელსაც მეხუთე კატეგორია მიანიჭეს , საცხოვრებელი სახლები, სკოლები და სასოფლო-სამეურნეო სავარგულები გაანადგურა. დაზიანებულია სხვა ინფრასტრუქტურაც, მათ შორის სატელეკომუნიკაციო და ელექტროგადამცემი ხაზები და წყლის მილები. ადგილობრივი მთავრობის განცხადებით, უსახლკაროდ დარჩენილ მოსახლეობას სასწრაფოდ საკვები და პირველადი მოხმარების საგნები სჭირდება. დაზარალებულთა დიდი ნაწილი დროებით თავშესაფრებს ითხოვს.
ვანუატუს მოსახლეობას ავსტრალია, ახალი ზელანდია და დიდი ბრიტანეთი ჰუმანიტარულ დახმარებას უგზავნის. ციკლონი "პამი" ვანუატუს გასულ კვირას დაატყდა თავს. ქვეყნის პრეზიდენტის განცხადებით, ძლიერმა შტორმმა წლების განმავლობაში ნაშენები ინფრასტრუქტურა მიწასთან გაასწორა.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
