15 მარტს მომხდარი ინციდენტისას დაშავებული "ქართული ოცნების" ერთი მხარდამჭერი ზუგდიდის რეფერალურ საავადმყოფო "რესპუბლიკაში" რჩება. როგორც საავადმყოფოს სამედიცინო მენეჯერი ნიკოლოზ ჭეჟია აცხადებს, ალიკა ჭურღულიას ტვინის მსუბუქი შერყევა აქვს და საჭირო გახდა მკურნალობის გაგრძელება. მისი თქმით, პაციენტი სავარაუდოდ, დღეს გაეწერება.
ზუგდიდში პოლიტიკური პარტიების "ქართული ოცნება-დემოკრატიული საქართველოს" და "ერთიანი ნაციონალური მოძრაობის" წევრებს შორის მომხდარი ფიზიკური დაპირისპირების დროს სხეულის სხვადასხვა სახის დაზიანება 10-მდე პირმა მიიღო. საავადმყოფოს ექიმის ირაკლი პაპავას განცხადებით, მათ მსუბუქი დაზიანებები აღენიშნებოდათ და საჭირო პროცედურების შემდეგ პაციენტები სახლში გაწერეს.
