პუტინი - რუსეთი ატომური იარაღის საბრძოლო მოქმედებაში მოსაყვანად მზად იყო
რუსეთი ატომური იარაღის საბრძოლო მოქმედებაში მოსაყვანად მზად იყო, - ამის შესახებ რუსეთის პრეზიდენტი ვლადიმერ პუტინი დოკუმენტურ ფილმში "ყირიმი. გზა სამშობლოსკენ" გასულ ინტერვიუში აცხადებს. ინტერვიუში, რომელიც აღნიშნულ ფილმში შევიდა, პუტინი ყვება, რომ კიევში მომხდარი გადატრიალების შემდეგ რუსეთის შეიარაღებული ძალები მოვლენების ნებისმიერი განვითარებისთვის მზად იყო, მათ შორის, მოსკოვი ბირთვული ძალების საბრძოლო მოქმედებაში მოსაყვანადაც ემზადებოდა.
"ჩვენ მზად ვიყავით, ეს გაგვეკეთებინა. მე ვესაუბრებოდი კოლეგებს და ასე ღიად ვეუბნებოდი, რომ ეს ჩვენი ისტორიული ტერიტორიაა, იქ ადამიანები ცხოვრობენ, რუსი მოქალაქეები, რომელთაც საფრთხე შეექმნათ და ჩვენ არ შეგვიძლია, ისინი მივატოვოთ", - განაცხადა პუტინმა.