ვლადიმერ პუტინი ორშაბათს ყირგიზეთის პრეზიდენტს შეხვდება
რუსეთის პრეზიდენტი, ვლადიმერ პუტინი ორშაბათს, სანკტ-პეტერბურგში ყირგიზეთის პრეზიდენტს, ალმაზბეკ ატამბაევს შეხვდება. ამის შესახებ კრემლის პრესსამსახური იტყობინება. "მოლაპარაკებების დღის წესრიგში დგას რუსეთსა და ყირგიზეთს შორის თანამშრომლობის გაღრმავება, პირველ რიგში ვაჭრობის, ინვესტიციების, კულტურისა და ჰუმანიტარულ სფეროებში, ასევე ენერგეტიკის სექტორში" , - წერია კრემლის პრესსამსახურის ოფიციალურ განცხადებაში.
კრემლის ცნობით, პრეზიდენტები იმსჯელებენ ყირგიზეთის ევრაზიულ ეკონომიკურ კავშირში გაწევრიანების საკითხზეც. აღნიშნული ინფორმაცია რუსეთის პრეზიდენტის ადმინისტრაციამ მას შემდეგ გაავრცელა, რაც მედიაში დაიწყო მითქმა-მოთქმა ვლადიმერ პუტინის ჯანმრთელობის მდგომარეობასთან დაკავშირებით.
რუსეთის პირველი პირი უკვე ერთი კვირაა საზოგადოების წინაშე არ გამოჩენილა. სხვადასხვა მედიასაშუალებების ცნობით, ის სავარაუდოდ ავადაა. თუმცა, როგორც პუტინის პრესსპიკერი დიმიტრი პესკოვი აცხადებს, პრეზიდენტი თავს კარგად გრძნობს და პერიოდულად სხვადასხვა დახურულ შეხვედრებს მართავს.
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
