მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პუტინის "გაუჩინარებასთან" დაკავშირებული TOP 5 ვერსია
05:32 / 13-03-2015
ბოლო რამდენიმე დღეა არ წყდება მითქმა-მოთქმა რუსეთის პრეზიდენტის, ვლადიმერ პუტინის გაუჩინარებასთან დაკავშირებით. გამოცემა "ნოვოე ვრემიამ" ამ თემაზე არსებული ვერსიების რეიტინგი შეადგინა.
- პუტინი ავადაა. ეს ვერსია მას შემდეგ გაჩნდა, რაც ავტორიტეტულმა საერთაშორისო სააგენტო Reuters-მა, ყაზახეთის მთავრობაზე დაყრდნობით გაავრცელა ინფორმაცია, რომ 11 მარტს დაგეგმილი შეხვედრა რუსეთის, ყაზახეთისა და ბელორუსის პრეზიდენტებს შორის, პუტინის ჯანმრთელობის მდგომარეობის გამო არ შედგა. აღნიშნული მალევე უარყო პრესსპიკერმა პესკოვმა და შეხვედრის ამბავს, ერთი კვირის წინანდელი სურათები დაურთო. ამასთან, ვრცელდება ხმები, რომ პუტინის გაქრობა შესაძლოა, სახის დაჭიმვის პროცედურებს უკავშირდებოდეს.
- პუტინი მოკვდა. მას შემდეგ, რაც ხმები რუსეთის პრეზიდენტის ჯანმრთელობის მდგომარეობის გაუარესებასთან დაკავშირებით გავრცელდა, სოციალურ ქსელებში გაჩნდა ჰიპოთეზა პუტინის შესაძლო გარდაცვალებასთან დაკავშირებით. თუმცა, რაიმე სახის მტკიცებულებები ჰიპოთეზის გასამყარებლად ჯერჯერობით არ არსებობს.
- პუტინი შიდა გადატრიალების მსხვერპლი გახდა. ამ ჰიპოთეზას აქტიურად განიხილავენ რუსი მიმომხილველები და ექსპერტები. მათი არგუმენტები იმის შესახებ, რომ რუსეთში ძალაუფლებისთვის ომი მიმდინარეობს, საკმაოდ რეალისტურად გამოიყურება. ამ მოვლენების კატალიზატორად ან შედეგად, მათი თქმით, ბორის ნემცოვის მკვლელობა იქცა. ექსპერტების თქმით, სწორედ ამის შემდეგ შევიდა არსებული კონფლიქტი აქტიურ ფაზაში. თუმცა, ფინალური ბრძოლა ჯერ კიდევ წინაა. ეს ვერსია არ უნდა იყოს სერიოზულობას მოკლებული, რადგან მისი მომხრეები საკმაოდ ხმამაღლა აღნიშნავენ, რომ პუტინის მმართველობას "წყალი შეუდგა".
- პუტინმა დაგეგმა საკუთარი გაქრობა, რადგან ფართომასშტაბიანი ომისთვის ემზადება. კიევი ყოველ დღე საუბრობს იმაზე, რომ პუტინი ომისთვის ემზადება, რასაც იმ ფაქტით ამყარებენ, რომ რუსმა მებრძოლებმა დონბასში საკმაოდ ბრძოლისუნარიანი არმია ჩამოაყალიბეს, რომელიც ნებისმიერ დროს არის მზად შეტევისთვის. ამგვარად, შექმნილი აურზაური პრეზიდენტის "გაქრობასთან" დაკავშირებით, შეიძლება პუტინის წისქვილზე ასხამდეს წყალს, რადგან ეს მას საშუალებას აძლევს, მოულოდნელად დაესხას თავს უკრაინას და შეცდომაში შეიყვანოს მოწინააღმდეგეები.
- პუტინი ჯანმრთელია და ცოცხალი. რუსეთის პრეზიდენტს სინამდვილეში ყველაფერი კარგად აქვს და მის ჯანმრთელობის მდგომარეობაზე გავრცელებული შეტყობინებები სხვა არაფერია თუ არა ინსინუაცია. შეიძლება პუტინი უბრალოდ ახლობლებთან ერთად ისვენებს სადმე და მისი გაქრობა სულაც არ უკავშირდება სიკვდილს ან ავადმყოფობას. მაგრამ ასეც რომ იყოს, ლიდერის "გაქრობამ" მნიშვნელოვანი ზიანი მიაყენა მის ავტორიტეტს, რადგან მისი მმართველობის სუსტი მხარეები გამოააშკარავა.
როგორც რუსი პოლიტოლოგი დიმიტრი ორეშკინი თვლის, რუსეთის პრეზიდენტი უბრალოდ "ფსკერზე დაწვა", რათა მიიღოს მნიშვნელოვანი გადაწყვეტილებები უკრაინის კონფლიქტთან დაკავშირებით და იპოვოს გამოსავალი იმ კრიზისული სიტუაციიდან, რომელშიც მან საკუთარი თავი ჩააგდო.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
