28
მაისიდღის ზოგადი ასტროლოგიური პროგნოზი
რუსეთის ფედერალური მთავრობის განცხადებების მიუხედავად, რომ ქვეყნის თავდაცვითი ხარჯების საკითხი განხილვას არ ექვემდებარება, მთავრობის კულუარებში არმიის ბიუჯეტის შემცირების თემა სულ უფრო აქტიურად განიხილება. რამდენიმე დღის წინ ცნობილი გახდა, რომ თავდაცვითი-სამრეწველო კომპლექსის ხარჯების შემცირების პროგრამა უახლოეს მომავალში მომზადდება. მთავრობის წარმომადგენლები ამას "ოპტიმიზაციას" უწოდებენ და ერთხმად გაიძახიან, რომ ეს პროცესი სხვა უწყებებისგან განსხვავებით თავდაცვისთვის "ნაკლებად მტკივნეულად" ჩაივლის.
როგორც ჩანს, საერთაშორისო სანქციებით განპირობებულმა ეკონომიურმა ვარდნამ, რუსეთის არმიამდეც მიაღწია. გარკვეულწილად თავდაცვითი ხარჯების შემცირება სამხედრო-სამრეწველო კომპლექსის სწრაფი რეანიმირებისადმი სწრაფვამაც განაპირობა. საბჭოური წარმოების მასშტაბებისკენ დაბრუნების სურვილმა რუსეთის სამხედრო ბიუჯეტის ლომის წილი წაიღო. როგორც შედეგმა აჩვენა, რუსეთის ბიუჯეტი არმიის გადაიარაღების, არსებული ტექნიკის განახლება-მოდერნიზაციის და ახლის შესყიდვის (თვითმფრინავები, შვეულმფრენები, ხომალდები, წყალქვეშა ნავები, ტანკები) მაშტაბური პროგრამების ერთდროული განხორციელებისთვის მოუმზადებელი აღმოჩნდა.
არსებული ინფორმაციით, თავდაცვის ბიუჯეტი 3,7 %-ით შემცირდება. "ოპტიმიზაციის" პროცესის ამოქმედება 2016-17 წლებში იგეგმება. წლევანდელი ბიუჯეტით, რუსეთის თავდაცვის სამინისტროსთვის 3,28 ტრილიონი რუბლია გამოყოფილი.
თავდაცვის უწყების წარმომადგენლების განმარტებით, "ოპტიმიზაციის" განხორციელება სახელფასო დანამატების შემცირებების, სხვადასხვა რეფორმების გატარებით და სამხედრო დაკვეთების "უმნიშვნელო" შემცირებით განხორციელდება.
მოამზადა ნუკრი მგელაძემ
სპეციალურად AMBEBI.GE-სთვის
