მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს სააკაშვილის მიერ დაგეგმილი პროვოკაციაა, სადაც შესაძლებელია, სისხლი დაიღვაროს" - საშიში მოლოდინები 21 მარტის აქციის წინ
05:50 / 11-03-2015
21 მარტს "ნაციონალური მოძრაობა" აქციას მართავს და ისევე, როგორც პოლიტიკური პარტიის წინა საპროტესტო აქციის წინ, ვრცელდება ინფორმაცია, რომ მოსალოდნელია პროვოკაციები და მეტიც, სამხედრო ექსპერტი ტრისტან წითელაშვილი მოვლენების უფრო დრამატულ განვითარებაზეც საუბრობს და ამბობს, რომ შესაძლოა, სისხლიც დაიღვაროს. ასეთივე მძაფრ პროგნოზებს აკეთებს უფლებადამცველი ნიკოლოზ მჟავანაძეც, რომელიც აცხადებს, რომ "ნაციონალები" უკრაინის პოლიციური ძალების გარკვეულ დანაყოფს გამოიყენებენ. "21 მარტის მიტინგზე ნაციონალები გეგმავენ, რომ აქცია სისხლდაღვრილად და დარბეულად მოინათლოს", - ამბობს მჟავანაძე.
კონკრეტულად, რა ინფორმაციას ფლობენ და რა აძლევთ ხმაურიანი განცხადებების საფუძველს, ამის შესახებ Ambebi.ge ტრისტან წითელაშვილს ესაუბრა.
- 21 მარტი - ეს არის "ნაციონალური მოძრაობის" მიერ დაანონსებული თითქოსდა საპროტესტო აქცია და ცდილობენ, საზოგადოებას კიდევ ერთხელ აურიონ თავგზა. იძახიან, თითქოსდა ქვეყანაში ეკონომიკა არასწორად ვითარდება და იმას არ ამბობენ, რომ სხვა ქვეყნებში ადგილობრივი ვალუტა უფრო უარეს დღეშია და ეს არის საერთაშორისო ინფლაციური პრობლემა. სხვათა შორის, სხვა ვალუტების ფონზე ლარი კიდევ უფრო მყარად დგას. ამათ უნდა ხალხში პანიკა დათესონ. მაგათ აქვთ გეგმა, რომ საზოგადოება მასიურად გამოიყვანონ ქუჩაში და მერე განახორციელონ პროვოკაციები. ზუსტად ისე, როგორც მოხდა უკრაინაში. ეს ხდება პირდაპირ სააკაშვილის დავალებით და მითითებით. მაქვს ინფორმაცია, რომ უკრაინიდან ჯგუფები არიან ჩამოსული. ასევე, საქართველოში მომზადებული არიან "ზონდერ ჯგუფები", რომლებიც საპროტესტო აქციის მსვლელობის დროს მოახდენენ პროვოკაციებს, რათა ეს გადაიზარდოს მასიურ არეულობაში და მოხდეს საზოგადოების ქუჩაში გამოყვანა, ხოლო ამის მერე დაიწყონ შეიარაღებული დაპირსპირება და სწორედ შეიარაღებული გზით აიღონ ხელში ძალაუფლება. ეს არის სააკაშვილის მიერ წინასწარ დაგეგმილი პროვოკაციული აქცია, სადაც შესაძლებელია, სისხლი დაიღვაროს.
- რა გაძლევთ ამის თქმის საფუძველს?
- მე გამაჩნია ნუსხა, თუ რამდენ ზონდერზეა გაცემული იარაღი. მე არაერთხელ გავაკეთე განცხადება, რომ ბაჩანა ახალიას მინისტრობის დროს გაცემულია 99 პიროვნებაზე სპეციარაღი. ამ 99 ადამიანიდან 17 პირი საერთოდ არაა რეგისტრირებული. ისინი ბუნებაში არ არსებობენ და სწორედ ეს სპეცჯგუფი შეერევა აქციას და მოაწყობს პროვოკაციებს.
- საიდან გაქვთ ეს ინფორმაცია?
- ეს მასალები მოვიპოვე ჩემი წყაროებით. მოგეხსენებათ, მე 20 წელიწადი ვმუშაობდი თავდაცვაში და გარკვეულ ინფორმაციაზე დღემდე მაქვს წვდომა. ეს ყველა დოკუმენტაცია გადაცემულია სამართალდამცავ ორგანოებზე და იმედია, ისინი მოახდენენ შესაბამის რეაგირებას, რადგან მათი ვალდებულებაა ასეთ ინფორმაციაზე რეაგირება. ჩვენ წინასწარ ვაკეთებთ განცხადებებს და ვახდენთ პრევენციას.
- "ნაციონალური მოძრაობის" მიერ ჩატარებული ბოლო აქციის წინაც ამბობდით მოსალოდნელ პროვოკაციებზე, მაგრამ ამის მსგავსი არაფერი მოხდარა. შეცდით?
- მაშინ სწორედ ასეთი პრევენციული განცხადებების საშუალებით მოხდა პროვოკაციების თავიდან აცილება. მაშინ სერიოზული ძალა დავდექით და დაინახეს რომ, თუ რაიმეს მოინდომებდნენ, ძალიან ცუდად მოუბრუნდებოდათ. ჩვენი განცხადებების საფუძველზე საქმეში ჩაერთო შსს-ს სპეცსამსახურები და გაანეიტრალეს მოსალოდნელი საფრთხე. აიყვანეს ის ადამიანები მკაცრ კონტროლზე და საბედნიეროდ, ყველაფრის თავიდან აცილება მოხდა. მე კიდევ ერთხელ ვაფრთხილებ "ნაციონალური მოძრაობის" წევრებს, რომ შეეშვან ბინძურ პროვოკაციებს, თორემ ეს ისევ მათ წინააღმდეგ მოტრიალდება. ეს აქცია მიმართულია საქართველოს საწინააღმდეგოდ და მხოლოდ სააკაშვილის ინტერესს ემსახურება. ეს არის დანაშაულებრივი და ტერორისტული ორგანიზაციის მიერ დაგეგმილი აქცია და ეს ყველამ უნდა გაითვალისწინოს.
ლადო გოგოლაძე
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
