საპარლამენტო უმრავლესობა პრეზიდენთან შეხვედრაზე უარს აცხადებს

საპარლამენტო უმრავლესობის პრეზიდენტთან დღეს დაგეგმილი შეხვედრა გადაიდო, - ამის შესახებ "ინტერპრესნიუსს" ფრაქცია "მრწევლების" თავმჯდმარე გოგი თოფაძემ განუცხადა. თოფაძის განმარტებით, უმრავლესობის პრეზიდენთან შეხვედრის გადადების მიზეზი არის, ის რომ მან პარლამენტის რიგგარეშე სხდომა დანიშნა და შესაბამისი სამართლებრივი აქტი პარლამენტმა უკვე მიიღო.

"უმრავლესობის მხრიდან იყო მოსაზრება იმისა, რომ პარლამენტის რიგგარეშე სხდომა არ გამართულიყო. თუმცა რიგგარეშე სხდომა პრეზიდენტმა დანიშნა, ამის გამო ჩვენ თავს ვიკავებთ შეხვედრისგან", - განუცხადა "ინტერპრესნიუსს" გოგი თოფაძემ.

ამ წუთებში კოალიციის წევრები უმრავლესობის ლიდერის დავით საგანელიძის კაბინეტში არიან შეკრებილი. დახურულ ფორმატში მიმდინარეობს კონსულტაცია, რომელშიც მონაწილეობას იღებდა პარლამენტის თავმჯდომარე დავით უსუფაშვილი. უსუფაშვილმა საგანელიძის კაბინეტი ცოტა ხნის წინ დატოვა.

"ინტერპრესნიუსი"

სიახლე!

თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.