ნემცოვის მკვლელს კადიროვმა რუსეთის პატრიოტი უწოდა

ჩეჩნეთის მეთაური რამზან კადიროვი აცხადებს, რომ იცნობდა ზაურ დადაევს, რომელიც ბორის ნემცოვის მკვლელობაშია ეჭვმიტანილი და მას რუსეთის პატრიოტად მიიჩნევდა.

”ზაური ერთ-ერთი ყველაზე უშიშარი და ძლიერი სამხედრო იყო. მან განსაკუთრებული გმირობა გამოიჩინა ბენოას სიახლოვეს ჩატარებულ სპეცოპერაციაში, რომელიც ტერორისტების წინააღმდეგ წარიმართა”, - წერს კადიროვი სოციალურ ქსელ ”ინსტარგრამის” საკუთარ გვერდზე.

”ჩემთვის გაუგებარია მიზეზები და მოტივები, რის გამო გაათავისუფლეს ზაური შინაგან საქმეთა სამინისტროდან. ამბობენ, რომ დედის ავადმყოფობის გამო თავად გაეთავისუფლაო”, - წერს კადიროვი.

კადიროვმა აგრეთვე საკუთარი აზრი გამოხატა ნემცოვის მკვლელობის საქმეში მოქმედ სხვა პირზე, ბესლან შავანოვზე, რომელმაც გროზნოში აიფეთქა თავი. კადიროვმა მას ”მამაცი მებრძოლი” უწოდა.

8 მარტს ბასმანის სასამართლომ მოსკოვში დააკავა ბორის ნემცოვის მკვლელობაში 5 ეჭვმიტანილი - ზაურ დადაევი, ხამზადა ბახაევი, ტამერლან ესკერხანოვი და ანზორ და შაგიდა გუბაშევები. ზაურ დადაევმა ბორის ნემცოვის მკვლელობაში თანამონაწილეობა აღიარა.

მომზადებულია telegraf.by-ს მიხედვით.