ბორის ნემცოვის საქმეზე ხუთი დაკავებულის სასამართლო მიმდინარეობს

მოსკოვის ბასმანის სასამართლომ ზაურ დადაევსა და ანზორ გუბაშევს რუსი ოპოზიციონერის, ბორის ნემცოვის მკვლელობისთვის ბრალი ოფიციალურად წარუდგინა. სააგენტო "რია ნოვოსტის" ინფორმაციით, დღესვე დასახელდა საქმის კიდევ სამი ფიგურანტი, რომელთაგან ერთი დაკავებულის ძმა შაგიტ გუბაშევია, დანარჩენი ორის გვარებია ბახაევი და ესკერხანოვი. სახელები არ სახელდება.

ანზორ დადაევი და ანზორ გუბაშევი რუსეთის უსაფრთხოების ფედერალურმა სამსახურმა შაბათს დააკავა, მოგვიანებით კიდევ ორი დაკავებულის შესახებ გახდა ცნობილი. სასამართლო ამ წუთებში მიმდინარეობს, რომელზეც მათი დაპატიმრების საკითხი განიხილება. სამი მათგანი ბრალს არ აღიარებს.

"ინტერპრესნიუსი"