ნემცოვის მეგობარი გოგონა დახმარებას ითხოვს - ანნა დურიცკაია საფრთხეშია
რუსი ოპოზიციონერის, ბორის ნემცოვის მკვლელობის მთავარ თვითმხილველ უკრაინელ მოდელს, ანნა დურიცკაიას უცნობი პირები ემუქრებიან. "ბიბისის" ცნობით, უკრაინელმა გოგონამ მუქარის შეტყობინებები თავისი მშობლების სახლში მიიღო. დურიცკაიამ კიევის პოლიციას დახმარების თხოვნით მიმართა. პოლიციამ აღნიშნულთან დაკავშირებით უკვე აღძრა სისხლის სამართლის საქმე.
"ამ დროისთვის მიღებულია უსაფრთხოების ზომები ანნა დურიცკაიას სიცოცხლისა და ჯანმრთელობის დასაცავად", - წერია უკრაინის გენერალური პროკურატურის ოფიციალურ ვებგვერდზე.
ბორის ნემცოვი 27 თებერვალს, კრემლთან ახლოს ხიდზე მაშინ მოკლეს, როდესაც ის ანნა დურიცკაიასთან ერთად სეირნობდა. უკრაინელი გოგონა არ დაშავებულა, მას რამდენიმე დღის განმავლობაში საგამოძიებო სამსახური კითხავდა. ნემცოვის დაკრძალვამდე ერთი დღით ადრე დურიცკაიამ მოსკოვი დატოვა და კიევში დაბრუნდა.
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
