დედაქალაქის უბნებში სასწრაფო დახმარების დამატებითი ქვესადგურები გაიხსნება

სასწრაფო სამედიცინო სამსახურის ეფექტურობის გაზრდის მიზნით, სამსახურის განვითარების კონცეფცია შემუშავდა. როგორც მთავრობის დღევანდელ სხდომაზე დედაქალაქის მერმა, დავით ნარმანიამ განაცხადა, სასწრაფო სამედიცინო დახმარების სამსახურის ახალმა ხელმძღვანელმა, თემურ ბარკალაიამ შეიმუშავა ამ სამსახურის განვითარების კონცეფცია, რომელსაც დედაქალაქის მთავრობის წევრები დღეს გაეცნობიან.

ნარმანიას თქმით, ეს კონცეფცია ხელს შეუწყობს სასწრაფო სამედიცინო დახმარების ეფექტიანობის გაზრდას, რათა უფრო ქმედითი და ეფექტური იყოს. ნარმანიამ აღნიშნა, რომ თბილისის შორ უბნებზე გაკეთდება დამატებით ქვესადგურები, ფილიალები, რათა ოპერატიულობა გაიზარდოს, მოხდება პერსონალის გადამზადება, საჭირო ინვენტარისა და ტექნიკის განახლება.

"ინტერპრესნიუსი"