სერგეი ლავროვი - უკრაინაში ქრისტიანებს დევნიან
რუსეთის საგარეო საქმეთა მინისტრ სერგეი ლავროვის განცხადებით, უკრაინაში ქრისტიანებს დევნიან. ლავროვის მიერ ჟენევაში, ქრისტიანთა პრობლემატიკისადმი მიძღვნილ მაღალი დონის შეხვედრაზე გაკეთებულ განცხადებას რუსული მედია ავრცელებს.
"ქრისტიანებს დევნიან არა მხოლოდ ახლო აღმოსავლეთში. უკრაინაში, სადაც ანტიკონსტიტუციური გადატრიალების შემდეგ ძმათამკვლელი ომი იქნა გაჩაღებული, ნაციონალისტ-რადიკალებმა რელიგიათაშორისი შუღლის გაღვივებაზე აიღეს კურსი. ნადგურდება მართლმადიდებლური ტაძრები და მონასტრები, მღვდლები და მორწმუნეები დაშინებისა და დაცინვის ობიექტები ხდებიან", - განაცხადა ლავროვმა. მისივე თქმით, მარტო უკრაინის სამხრეთ-აღმოსავლეთში 10 ტაძარი სრულად დანგრეულია, 70 კი - დაზიანებული."სამი მღვდელმსახური მოკლეს. ბევრი მათგანი რუსეთში გაიქცა, რათა ექსტრემისტებისგან მომავალი საფრთხისგან თავი აერიდებინათ", - განაცხადა ლავროვმა და დასძინა, რომ დასავლეთის ქვეყნებში აგრესიული სეკულარიზმი იკრებს ძალებს.
"არ შემიძლია, არ ვახსენო იმ პრობლემების შესახებ, რომელთა წინაშეც დგანან ქრისტიანები დასავლეთის ბევრ ქვეყანაში, სადაც არაპოლიტკორექტულად ითვლება ქრისტიანულ რელიგიაზე მიკუთვნება და რცხვენიათ კიდეც ქრისტიანული ფასეულობების, რაზეც დაფუძნებულია ევროპული ცივილიზაცია", - განაცხადა ლავროვმა.
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
