ვაგონში მცხოვრებ 87 წლის მოხუცს 22 წლის შემდეგ საკუთარი სახლი აქვს
წყალტუბოს მუნიციპალიტეტის სოფელ გუმათში მცხოვრებ 87 წლის ჟენია ჯიშკარიანს მუნიციპალიტეტის გამგეობამ საცხოვრებელი გადასცა. მოხუცი, რომელიც 22 წლის განმავლობაში რკინის ვაგონში ცხოვრობდა, ამიერიდან, ახალ აშენებულ სახლში, ნორმალურ პირობებში იცხოვრებს.
მარტოხელა მოხუცი ქალბატონისთვის სახლის მშენებლობა 4 თვის მანძილზე გრძელდებოდა და ის 18 ათასი ლარი დაჯდა.
"მშენებლობის დაწყებამდე საჭირო გახდა მოხუცისათვის კუთვნილი მიწის დარეგისტრირება, სარეზერვო ფონდიდან თანხის გამოყოფა, სახლის უმოკლეს ვადაში აგებას წლევანდელი ზამთრის კარგმა ამინდებმაც შეუწყო ხელი, მოკლედ ყველაფერი გაკეთდა, რათა ათეული წლების მანძილზე ვაგონში მცხოვრები ქალბატონისათვის, რომელსაც ოჯახის ყველა წევრი დაღუპული ჰყავს და შრომისუუნაროა, ნორმალური საყოფაცხოვრებო პირობები შეგვექმნა", - განაცხადა წყალტუბოს გამგებელმა კონტანტინე მამისეიშვილმა.
ჟენია ჯიშკარიანი სამხარეო ადმინისტრაციის პირველმა პირებმა მაცივრით დაასაჩუქრეს. სტუმრებმა ეზოში სიმბოლურად ხეხილის ნერგებიც დარგეს.
წყარო: topnews.com.ge
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
