მოსკოვის მერია ანტიკრიზისული აქციის ნაცვლად, სამგლოვიარო ღონისძიების ჩატარებაზე უარს აცხადებს
მოსკოვში ხვალ ანტიკრიზისული მარშის ნაცვლად სამგლოვიარო ღონისძიების ჩატარება კანონის მიხედვით შეუძლებელია. ამის შესახებ მოსკოვის მერიის წარმომადგენელმა, ალექსეი მაიოროვმა რუსულ მედიას განუცხადა. "თუ აქციის ორგანიზატორები სხვა ღონისძიებას გეგმავენ, მაშინ ამის შესახებ მოსკოვის მერიას ოფიციალურად უნდა მიმართონ. კანონის მიხედვით კი, დაგეგმილი ღონისძიების ფუნდამენტალურად შეცვლა ჩვენ არ შეგვიძლია. განაცხადი ამის შესახებ მაქსიმუმ 15 და მინიმუმ 10 დღით ადრე უნდა წარმოადგინონ. ხოლო ღონისძიების გაუქმება კანონის მიხედვით სამი დღით ადრე ხდება" , - განაცხადა ალექსეი მაიოროვმა.
რუსეთის ოპოზიციურმა პარტიებმა ხვალ დაგეგმილი ანტიკრიზული მარში "გაზაფხული" ბორის ნემცოვის მკვლელობის გამო გააუქმეს და განაცხადეს, რომ მსვლელობის ნაცვლად ისინი სამგლოვიარო ღონისძიებას გამართავენ.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
