31
მაისიდღის ზოგადი ასტროლოგიური პროგნოზი
წინასწარმეტყველი ლელა კაკულია "სარკესთან" საუბრისას ამბობს, რომ გასულ წლებში მის იმ განცხადებებს, რომელიც მიხეილ სააკაშვილის მთავრობას არ მოსწონდა, "ნაციონალებისგან" შურისძიება მოჰყვა და მისი ვაჟი იარაღის უკანონო ტარების ბრალდებით დააკავეს. "როდესაც ვიკითხე, შვილი რატომ დამიჭირეთ-მეთქი, თქვენ რომ წერდით ჩვენზეო, მიპასუხეს", - ამბობს კაკულია.
Ambebi.ge გთავაზობთ მცირე ფრაგმენტს ინტერვიუდან:
"სარკე": ნაციონალების და სხვადასხვა სპეცსამსახურების აგენტად მოგიაზრებენ - იმას ათქმევინებენ, რაც მათ სურთო.
ლელა კაკულია: მე ჩემი ხალხის, საქართველოს აგენტი ვარ! როგორ ვარ ნაციონალების აგენტი, როცა წლების წინ დავწერე, როგორი მთავრობა მოვიდოდა საქართველოს ხელისუფლებაში, რომ დადგებოდა მეორე 1937 წელი?! მუდმივად ვწერდი, რას დაუშავებდნენ ნაციონალები ქვეყანას. ნაციონალებმა ჩემი ვაჟი, ლევანი, დაიჭირეს და 2 წელი იჯდა ციხეში. მიზეზი, იცით, რა იყო? ერთ ჩინოსანს ვკითხე, შვილი რატომ დამიჭირეთ-მეთქი და მიპასუხა, თქვენ რომ წერდით ჩვენზეო.
"სარკე": ბრალდება რა იყო?
ლელა კაკულია: იარაღის უკანონო ტარება. იარაღი ჩაუდეს მანქანაში. ხუთი ბიჭი იჯდა მანქანაში. მივარდა პოლიცია, გადმოყარეს ყველა და იქ იპოვეს დანა. შემდეგ დაადგინეს, რომ ეს დანა ლევანის იყო. იმ დღეს ბოდბეში წმინდა ნინოს საფლავზე ვიყავი. უცებ დავინახე, რომ ლევანს საფრთხე ემუქრებოდა. დავურეკე, იცოდე, სახლიდან არ გახვიდე, დაგიჭერენ-მეთქი. ისტერიკა დამემართა, მაგრამ ვერაფერს გავხდი - მითხრა, არაფერს დავაშავებ, მეგობრებთან წავალო. ბოლოს დავანებე თავი, ესე იგი უნდა დაიჭირონ, ვერაფერს გავხდები-მეთქი და მართლაც დაიჭირეს. მადლობელი ვარ, რომ ციხეში ყველა კარგად ექცეოდა, რადგან იცოდნენ, რომ ჩემი შვილი იყო. ლევანი სპეციალობით ინჟინერია, მამის კვალს გაჰყვა.
