მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ზურაბ აბაშიძე - ჩემი განცხადებები არა რუსულ აუდიტორიაზე გათვლილი, არამედ რეალობაა
10:24 / 24-02-2015
რუსეთთან ურთიერთობის საკითხებში პრემიერ-მინისტრის სპეციალური წარმომადგენლის ზურაბ აბაშიძის თქმით, მისი განცხადებები არა რუსულ აუდიტორიაზე გათვლილი, არამედ რეალობაა.
ამის შესახებ აბაშიძემ "ინტერპრესნიუსს" პარლამენტის საგარეო ურთიერთობათა კომიტეტის თავმჯდომარის მოადგილის ზვიად კვაჭანტირაძის იმ მოსაზრების საპასუხოდ განუცხადა, რომლის თანახმადაც ზურაბ აბაშიძის მიერ "რია ნოვოსტისთან" გაკეთებული განცხადებები რუსულ აუდიტორიაზე გათვლილია. ამასთან, კვაჭანტირაძე დაინტერესდა, ხომ არ იცვლება აბაშიძე-კარასინის ფორმატი, რაზეც აბაშიძის პასუხია, რომ არავითარი ცვლილებები ამ მიმართულებით დაგეგმილი არ არის.
"სანამ უმრავლესობიდან კოლეგებს გავცემდე პასუხს, მინდა ოპონენტებს გავცე პასუხი. ზოგიერთის კომპეტენტურობაში ადრეც მეპარებოდა ეჭვი, მაგრამ მას შემდეგ, რაც მათ აჭიოტაჟი ატეხეს ჩემ მიერ გაკეთებულ კომენტარზე იმის თაობაზე, რომ ჩვენ დღეს და ხვალ ნატოში ვერ გავწევრიანდებით, კიდევ უფრო უარესი შთაბეჭდილება შემექმნა. ჩვენი ამოცანა, ჩვენი მიზანი არის ნატოში გაწევრიანება, მაგრამ დღეს და ხვალ ეს ვერ მოხდება. სანამ მე ვიტყოდი ამას, ასეთი "სენსაციური" განცხადება გააკეთა პრეზიდენტმა ობამამ, კანცლერმა მერკელმა. ნუთუ მათ ეს არ მოისმინეს და ნუთუ ამის შესახებ არაფერი იცოდნენ?! ვიმეორებ, ეს არის ჩვენი სტრატეგიული ამოცანა, მაგრამ დღევანდელი და ხვალინდელი დღის პერსპექტივა ეს არ არის. რა დაინახეს აქ სენსაციური?! თუ რაღაც პრობლემა აქვთ, იკითხონ, მართლაც არის რაიმე ახალი იმაში, რასაც მე ვამბობ?!", - განაცხადა აბაშიძემ.
მისივე თქმით, ეს რეალობაა და არა რუსულ აუდიტორიაზე გათვლილი განცხადება. "ჩვენ რეალური სურათი უნდა დავუხატოთ ჩვენს მოსახლეობასაც, მეზობლებსაც, დასავლელ პარტნიორებსაც. რეალობა კი გახლავთ ის, რომ ჩვენი სტარტეგიული ამოცანა არის ნატოში გაწევრიანება, მაგრამ ეს დღეს და ხვალ ვერ მოხდება და ეს სხვებსაც აქვთ ნათქვამი. ჩვენ ამ რეალობის განმეორება არ უნდა შეგვეშინდეს და არ უნდა ავყვეთ ემოციებით იმას, რომ ოპონენტები ჩვენს დატერორებას და საზოგადოების შეცდომაში შეყვანას ცდილობენ", - განაცხადა ზურაბ აბაშიძემ.
პრემიერის სპეციალურმა წარმომადგენელმა ზურაბ აბაშიძემ "რია ნოვოსტისთან" ინტერვიუში განაცხადა, რომ უახლოეს პერსპექტივაში საქართველოს ნატოში გაწევრიანება დღის წესრიგში არ დგას და ამის გამო დამატებითი საბაბის ძიება რუსეთთან ისედაც რთული ურთიერთობების კიდეც უფრო გასართულებლად, საჭირო არ არის.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
