"ინგლისური ქოვერებით მომღერლად ვერ შედგება ვერავინ!" - ნინი ბადურაშვილის მოწოდება ქართველ მომღერლებსა და კომპოზიტორებს

მომღერალი ნინი ბადურაშვილი ქართული სიმღერის კონკურსის ორგანიზების მოწოდებით გამოდის და ქართულ შოუბიზნესში ამ კუთხით არსებულ პრობლემებზე საუბრობს. როგორც ბადურაშვილი "ფეისბუქის" პირად გვერდზე წერს, ქართველ მომღერალს რეპერტუარში ქართული სიმღერები უნდა ჰქონდეს.

"სწორია ქალბატონი მაცაცო, უნდა გაკეთდეს ქართული სიმღერის კონკურსი! დაიწეროს ბევრი ქართული სიმღერა, რათა მომღერლებს ჰქონდეთ საკუთარი ქართული სიმღერა რეპერტუარში! ინგლისური ქოვერებით მომღერლად ვერ შედგება ვერავინ!

მომღერლებს საკუთარი ქართული სიმღერა უნდა ჰქონდეთ რეპერტუარში! სხვაგვარად დაიშტამპება და "ქოფი ფეისთ" არ ნიშნავს მომღერლობას...

მესმის, რომ თანხაა საჭირო, იმისთვის, რომ ახალი სიმღერა იყიდო, ჩაწერო, მაგრამ სხვაგვარად ვერ განვითარდები... ვერაფერს დატოვებ!

Beyonces-ს და whitney-ის ვერ ვაჯობებთ და არ ჯობია, საკუთარი შევქმნათ? თუნდაც გაგვაკრიტიკონ, მთავარია, სულ ძიებაში იყოს მომღერალი და აუციელბლად გამოვა, ერთ კარგ სიმღერას მაინც დატოვებს )).

რა თქმა უნდა, მომღერალი არ უნდა გაკიცხო, შეიძლება უკეთ გამოსდიოდეს უცხოენოვანი, მაგრამ რადგან ქართველი გქვია და საქართველოში გაქვს პრეტენზია მოღვაწეობის, ქართული უნდა იმღერო, თუნდაც ევროპული ან ამერიკული სტილის სიმღერა, მაგრამ შენი და ქართული.

რაც შეეხება ჰიტს, ჰიტები მსოფლიოში აღარ იწერება, კრიზისია, მაგრამ მაინც უნდა ეცადო, რაღაც გამოვა)))

გვყავს კომპოზიტორები და შეიძლება მდგომარობის გამოსწორება, მთავარია მოტივაცია!)

თანამედროვე ქართული დაიწეროს, ოღონდ ერქვას, რომ ეს კონკრეტული სიმღერა მათია, მათთვის დაიწერა! მომღერალი გქვია მაშინ, როცა ახალს ქმნი, ახალ სიმღერას შენებურად აკეთებ და აწვდი მსმენელს და არა ვიღაცის ნამღერს გადაამღერებ იგივე მელიზმებით და ყველაფრით ))", - დაწერა ნინი ბადურაშვილმა.

მომღერლის პოსტს მისი კოლეგების გამოხმაურება მოჰყვა.

ანრი ჯოხაძე:

მათალი ხარ ბადადოოოო <3

თაკო გაჩეჩილაძე:

არადა რა კარგ სიმღერებს წერენ ქართველი "კომპოზიტორები" ))))

ნინი ბადურაშვილი:

რას ერჩი, მშვენიერს

თაკო გაჩეჩილაძე:

1-2 კი.

მთავარია, ჯერ ფული, საიდანც მოდის მოტივაციაც და მერე მოვძებნოთ ნორმალური კომპოზიტორები, რომლებიც არ "დააქოფიფეისთებენ" ამერიკულ ჰიტებს, არამედ შექმნიან ნამდვილ ქართულ სიმღერას, თან რომ არ იქნება უკვე ძველმოდური და გოიმური, ეს ყველაფერი თუ გერეალურება, ბაზარი არარი!!!! მაშინ აყვავდება შოუბიზნესი, მაგრამ მაინც ეჭვი მეპარება, იმიტომ, რომ არც ერთია და დიდად ვერც მეორეს ვხედავ, სამწუხაროდ, თორე დიდი სიამოვნებით!!!

აჩიკო ნიჟარაძე:

ნინი, გეთანხმები ყველაფერში. ნამდვილად საჭიროა ქართული სიმღერის კონკურსი. თორე გავა კიდევ რამდენიმე წელი და ქართულს აღარავინ იმღერებს. ან თუ იმღერებს, არასწორად იმღერებს.

ქართული სიმღერა ისეთი რამ არის, რომ ჩვენ ყველას გვჭირდება. ამას ზოგი გვიან მიხვდება და სანამ კიდევ შეიძლება რაღაცის გამოსწორება, მივხედოთ ამ საქმეს. რა თქმა უნდა, ახალი სიმღერები უნდა დაწერონ და ყველამ ჩვენებურად უნდა ვიმგეროთ.

ნინი ბადურაშვილი:

შენ კი მღერი ქართულს საუკეთესოდ!

აჩიკო ნიჟარაძე:

იმ ინგლისურ სიმღერასაც რომ მღერიან ისიც გადამღერებულია და ქართულიც. ასე რომ ახალი სიმღერები უნდა დაწერონ, რომ გავაკეთოთ ახალი. ამისთვის არის ეს კონკურსები საჭირო, რომ კომპოზიტორებმაც დაწერონ ახლები. ხშირად უნდა იყვნენ ეთერში ქართული სიმღერის შემსრულებლებიც, მაგრამ არ ხდება ასე, ყველამ იცის.

"ვოისმა" და "იქს-ფაქტორმა" ისე ჩაიარა, ქართული სიმღერა ძალიან ცოტა მოვისმინეთ. ეს კონკურსები ჩატარდა საქართელოში და უნდა ყოფილიყო იქაც ქართული ცოტა მეტი დოზით. მაგრამ მუსიკალური პროდუსერები აქცენტს აკეთებენ უცხოურზე.

ნინი, კომპოზიტორი, რომელიც თანამედროვე ქართულ სიმღერას დაწერს, ძალიან ბევრი არ არის და ამდენ მომღერალს ვინ დაუწერს სიმღერას, ესეც ხომ არის.

ნინი ბადურაშვილი:

თვითონ მომღერალმა უნდა მოინდომოს, რომ თავისი სიმღერა ჰქონდეს ), ცოტა ფულიც უნდა გაიმეტოს, სხვაგვარად არ გამოვა.

აჩიკო ნიჟარაძე:

მარტო ფულის დახარჯვით კარგ სიმგერას ვერ შექმნი. კარგი სიმღერა პირველ რიგში უნდა დაწერონ, რომ მერე ფული გადაიხადო. შენ რასაც ამბობ, ესე იგი მხოლოდ ფულზე ვყოფილვართ დამოკიდებული. არამგონია, მხოლოდ ეს იყოს პრობლემა.

მეტი აქტიურობაა საჭირო, როგორც კომპოზიტორების, პირველ რიგში, მერე მომღერლების და აი, მერე მუსიკალური პროდუსერების, რომ ეს სიმღერები ეთერში მოხვდეს.

ნინი ბადურაშვილი:

მარტო ფულის არა, მაგრამ მნიშვნელოვანია ფული ჩადო შენს საქმეში, რათა ხარისხიანი პროდუქტი მიიღგო. კარგი სიმღერა რთული დასაწერია, მაგრამ უნდა ეცადო და გამოვა.

აჩიკო ნიჟარაძე:

გეთანხმები.