პალიტრა TV-მ HD ხარისხით მაუწყებლობა დაიწყო

პალიტრა TV-მ HD ხარისხით მაუწყებლობა დაიწყო. არხი უახლესი ტექნიკით გადაიარაღდა. თანამედროვე აპარატურით აღჭურვაში პალიტრა TV-ს პარტნიორობა გაუწიეს კომპანიებმა: "ინოვატორი", "Sony", "Linear Acoustic".

HD ხარისხით გადაცემები ეთერში ახალი სტუდიებიდან გავიდა.

როგორც "ინტერპრესნიუსს" პალიტრა TV-ს დირექტორმა, ინგა დადიანმა განუცხადა, რამდენიმე გადაცემას დრო შეეცვალა. კერძოდ, გადაცემა "პროვოკატორი" ეთერში გავა სამშაბათიდან პარასკევის ჩათვლით, 18:30 საათზე, ხოლო დღის განმავლობაში განვითარებულ მოვლენებს პოლიტიკოსებთან და ექსპერტებთან ერთად მერაბ მეტრეველი შეაჯამებს. გადაცემა "რეზიუმე" ეთერში ყოველ სამუშაო დღეს, 21:30 საათზე გავა.

ინგა დადიანის ინფორმაციით, არხი ახალ პროექტებზე მუშაობას განაგრძობს.