რისთვის იბრძვის რუსკა მაყაშვილი შეყვარებულთან ერთად: "იყო ისეთი ეპიზოდები, როცა ორივემ მაგრად გავჭედეთ"
როგორც უკვე იცით, "პალიტრა TV"-ს აზარტული და პოპულარული გადაცემა "მიმიხვდის" პირველი ფინალისტები არიან მსახიობები: დიმიტრი ტატიშვილი და ლევან ჯიბღაშვილი, შემდეგი ფინალისტების ჯგუფი კი ონისე ონიანის და ეკა ნიჟარაძის შემადგენლობით არის წარმოდგენილი. გასულ პარასკევს მესამე ფინალისტთა წყვილი გაირკვა: რუსკა მაყაშვილი და მისი შეყვარებული, მორაგბე - სანდრო ნიჟარაძე.
ყველანი ფინალს მოუთმენლად ელიან და როგორც ამბობენ, გამარჯვება ძალიან უნდათ. ამ სამიდან, თამაშის წესების თანახმად, ერთი წყვილი იმარჯვებს. მოკლედ, პარასკევს გრანდიოზული ფინალია.
Ambebi.ge რუსკა მაყაშვილსა და მის მეწყვილეს, სანდრო ნიჟარაძეს დაუკავშირდა.
რუსკა მაყაშვილი:
- თავიდან შემოთავაზებას სიამოვნებით დავთანხმდით, რადგან მშვენიერი გასართობი შოუა. მერე რომ გვითხრეს, შეჯიბრება იქნება და ამასთან, პრიზიცო, ცხადია, მეტად გავაქტიურდით.
- თამაშისას სირთულე რა იყო?
- სირთულე არაფერია, მაგრამ წამზომი რომ ირთვება, უნებლიედ იძაბები და შეიძლება უცებ ისეთი ცნობილი პერსონაჟი და ადამიანი ვერ გამოიცნო და ახსნა, რომ თვითონ გაგიკვირდეს. რაღაც ფსიქოლოგიურად განიცდი, ითიშები და ვერ ხსნი, ვერ იგებ ასე რატომ მოხდა. სხვა მეტი არაფერი ყოფილა. აზარტული და მხიარული გადაცემაა, ადვილი, კარგი გასართობი თამაში.
ისე მოხდა, რომ მე და სანდრომ მეტი გამოვიცანით, ვიდრე ჩვენმა გვერდით მსხდომებმა. წყნარი ოპტიმიზმით ვიყავით განწყობილები. კმაყოფილები ვართ და ფინალშიც ასევე გავაგრძელებთ ბრძოლას.
სანდრო ნიჟარაძე, მორაგბე:
- მგონი, ასეთი თამაში ჩვენს ტელესივრცეში არ ყოფილა. ახალი შოუა და ბევრმა მის შესახებ არც იცის. მოკლედ, საკმაოდ საინტერესოა და იმის საშუალებას გაძლევს, ბევრი ადამინის შესახებ კიდევ ერთხელ გაიგო, გაიხსენო ისინი. უცხოებსაც ეცნობი და ერთობი. კონკურენციაც არის და სახალისო იუმორიც. მართლა იუმორისთული იყო წინა გადაცემა, ანუ ნახევარფინალი. მარგო ლუჩკო სასაცილო ფრაზებს ამბობდა...
- მორაგბესთვის შეჯიბრება უცხო არ არის და ალბათ ამიტომ არც გაგიჭირდათ...
- კი, შეჯიბრება ჩემთვის უცხო არ არის... ჩვენი თამაშის დეტალები არ მახსოვს, მაგრამ იყო ისეთი ეპიზოდებიც, როცა მეც და რუსკამაც, ორივემ მაგრად ''გავჭედეთ". ერთი სიტყვით, ჩარლი ჩაპლინი ვერ ამიხსნა. ისე, ძნელია ერთი სიტყვით ახსნა მაგალითად, რომელიმე პოლიტიკოსი. მუნჯური ახსნა უფრო გამართლებულია.
- თქვენი წყვილის წარმატების საიდუმლო რაში მდგომარეობს?
- ურთიერთგაგებაში... ეს არის და ეს...
ლალი ფაცია
AMBEBI.GE
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
