"ვარ "ფე­ის­ბუ­ქის" მომ­ხმა­რე­ბე­ლი. ვი­ღა­ცე­ბი, ყო­ველ დღე, ჩემი სა­ხე­ლით, უსი­ა­მოვ­ნო და სკან­და­ლურ ინ­ფორ­მა­ცი­ას აქ­ვეყ­ნე­ბენ. ეს კი­ბერ­ხუ­ლიგ­ნო­ბაა, რის გა­მოც, მინ­და, მივ­მარ­თო ში­ნა­გან საქ­მე­თა სა­მი­ნის­ტროს.

ვი­ნა­ი­დან ბევ­რს უნდა ჩემ­თან, ან ჯგუფ "ბა­ნის" ბი­ჭებ­თან და­მე­გობ­რე­ბა, ამის­თვის გირ­ჩევთ, "ფე­ის­ბუქს" ნუ გა­მო­ი­ყე­ნებთ, ტე­ლე­ფო­ნით დაგ­ვი­კავ­შირ­დით. ჩემი სა­ხე­ლით ვი­ღაც ბო­რო­ტად სარ­გებ­ლობს. ვი­მე­ო­რებ, ის სი­ტყვე­ბი მე არ მე­კუთ­ვნის, რა­საც ის წერს. იყო ასე­თი შემ­თხვე­ვა, როცა ჟურ­ნა­ლის­ტი იმ პი­როვ­ნე­ბას და­უ­კავ­შირ­და, ინ­ტერ­ვიუ სთხო­ვა და გა­მო­აქ­ვეყ­ნა კი­დეც, მაგ­რამ რეს­პონ­დენ­ტი მე არ ვყო­ფილ­ვარ. ყალ­ბი ინ­ტერ­ვიუ და­ი­ბეჭ­და. მა­ვა­ნი ხალ­ხში ცუდ იმიჯს მიქ­მნის.

კი­დევ ერთხელ მოგ­მარ­თავთ ყვე­ლას, ჩვენ­თან და­კავ­ში­რე­ბის შემ­თხვე­ვა­ში, დაგ­ვი­რე­კეთ ტე­ლე­ფონ­ზე, ან და­უ­კავ­შირ­დით ჩვენს პრო­დი­უ­სერს, ჭა­ბუ­კა ამი­რა­ნაშ­ვილს," - ეს გახ­ლავთ ჯგუფ "ბა­ნის" სო­ლის­ტის, მათე ფირ­ცხე­ლა­ვას გან­ცხა­დე­ბა, რო­მე­ლიც მან წა­მი­კი­თხა და გვთხო­ვა, გა­მოგ­ვექ­ვეყ­ნე­ბი­ნა.

რო­გორც მიხ­ვდით, მა­თეს სა­ხე­ლით სო­ცი­ა­ლურ ქსელ­ში ვი­ღაც სარ­გებ­ლობს. ჯგუ­ფის გულ­შე­მატ­კივ­რებს ხში­რად, რო­გორც "ბა­ნის" წარ­მო­მად­გენ­ლე­ბი ამ­ბო­ბენ, ეუ­ხე­შე­ბა.

"მბე­ბი.გე" ამ თე­მა­ზე "ბა­ნის" წევ­რებ­სა და მათ პრო­დი­უ­სერს გა­ე­სა­უბ­რა.

ჭა­ბუ­კა ამი­რა­ნაშ­ვი­ლი, ჯგუფ ბა­ნის პრო­დი­უ­სე­რი:

- მაქ­სი­მა­ლუ­რად ვცდი­ლობთ, შევ­ქმნათ ისე­თი პრო­დუქ­ტი, რო­მე­ლიც ხალ­ხს მო­ე­წო­ნე­ბა და მი­ი­ღებს. არას­დროს გა­დაგ­ვიხ­ვე­ვია იმ გზის­კენ, ანუ იმ სიმ­ღე­რე­ბის­კენ, რაც ახლა მო­და­შია (უცხო­უ­რი ქა­ვე­რე­ბი), რად­გა­ნაც მიგ­ვაჩ­ნია, რომ ქარ­თულ სიმ­ღე­რებ­ზე უნდა ვი­მუ­შა­ვოთ. მად­ლო­ბა ღმერ­თს, თუ ხალ­ხს ეს ყვე­ლა­ფე­რი მოს­წონს და კარ­გად იღებს. ვი­ნა­ი­დან კონ­ცერ­ტებ­ზეც ხში­რად გვი­წევს გა­მოს­ვლა, აქე­დან გა­მომ­დი­ნა­რე, ხალ­ხს ბი­ჭებ­თან კონ­ტაქ­ტი სი­ა­მოვ­ნებთ. ყველ­გან სი­ხა­რუ­ლით ხვდე­ბი­ან, მაგ­რამ რო­დე­საც სო­ცი­ა­ლურ ქსელ­ში მათ­თან ურ­თი­ერ­თო­ბენ, კერ­ძოდ, "ფე­ის­ბუ­ქის" სა­შუ­ა­ლე­ბით, ბი­ჭე­ბის ფო­ტო­ე­ბით, გვა­რე­ბი­თა და სა­ხე­ლე­ბით სრუ­ლი­ად უცხო ადა­მი­ა­ნე­ბი პა­სუ­ხო­ბენ, რაც ძა­ლი­ან უხერ­ხუ­ლი მო­მენ­ტია. ისე, ეგეც არა­ფე­რი, უპა­სუ­ხონ, მაგ­რამ ის ინ­კოგ­ნი­ტო გულ­შე­მატ­კივ­რებს შე­უ­რა­ცხყოფს და ეუ­ხე­შე­ბა. მოკ­ლედ, "ბანს" სა­ხელს უტეხს. ხში­რად ისე­თი უხამ­სი სი­ტყვე­ბით მი­მარ­თავს იმ ადა­მი­ა­ნებს, რომ ახლა მი­ჭირს კი­დეც თქვენ­თან იმის გა­მე­ო­რე­ბა. ყვე­ლა­ზე და­ჩაგ­რუ­ლი კი ჩვე­ნი სო­ლის­ტი მათე ფერ­ცხე­ლა­ვა აღ­მოჩ­ნდა, რად­გა­ნაც მისი სა­ხე­ლი­თა და გვა­რით უამ­რა­ვი გვერ­დია შექ­მნი­ლი.

- მათე, პი­რა­დად არ გაქვთ "ფე­ის­ბუქ­ზე" სა­კუ­თა­რი გვერ­დი?

- სა­ერ­თოდ, კომ­პი­უ­ტერს ცოტა გა­ვურ­ბი, თან, არ მცა­ლია და სო­ცი­ა­ლურ ქსელ­ში დი­დად ჩარ­თვა არც მა­ინ­ტე­რე­სებს. პი­რა­დი გვერ­დი არ მქონ­და, მაგ­რამ იძუ­ლე­ბუ­ლი გავ­ხდი, შე­მექ­მნა მას მერე, რაც გა­ვი­გე, რომ ჩემი სა­ხე­ლით ამ­დე­ნი ადა­მი­ა­ნი ცუ­დად სარ­გებ­ლობს. როცა შევ­ქმე­ნი, იმის მერე ისე მოხ­და, რომ ბევ­რი უცხო პი­როვ­ნე­ბა მე­უ­ხე­შე­ბო­და და ცუ­დად მომ­მარ­თავ­და, მა­გი­ნებ­და კი­დეც, -რო­გო­რი სა­ში­ნე­ლი ადა­მი­ა­ნი ყო­ფილ­ხა­რო...

- რა­ტომ?

- იმი­ტომ, რომ ის ვი­ღაც, ხომ ვამ­ბობ, ჩემი სა­ხე­ლით მო­სარ­გებ­ლე, ლან­ძღავს ჩვენს მსმე­ნელს... ახლა გა­ვი­გე, რომ "ოდ­ნოკ­ლას­ნი­კებ­შიც" ყო­ფი­ლა ჩემი გვერ­დე­ბი შექ­მნი­ლი და იქ კი­დევ უა­რე­სი ამ­ბე­ბი ხდე­ბა...

- ისე, ეს ხომ პო­პუ­ლა­რო­ბის ნა­წი­ლია...

- პო­პუ­ლა­რო­ბა კარ­გია, მაგ­რამ ამ შემ­თხვე­ვა­ში, სა­ხელს მი­ტე­ხენ...

ჭა­ბუ­კა ამი­რა­ნაშ­ვი­ლი:

- ესე­ნი ისე­თი ბი­ჭე­ბი არი­ან, რომ­ლე­ბიც ცოტა სხვა­ნა­ი­რად ცხოვ­რო­ბენ და ასე­თი რა­ღა­ცე­ბი არა­ფერ­ში სჭირ­დე­ბათ. მაგ­რამ რო­გო­რია, როცა ადა­მი­ა­ნი, რო­მელ­საც უყ­ვარს ეს ბი­ჭე­ბი, უკავ­შირ­დე­ბა, რომ სიყ­ვა­რუ­ლი აუხ­სნას, მისი სიმ­პა­თი­ე­ბი და­უ­ფიქ­სი­როს და იქი­დან სა­პი­რის­პი­როდ ლან­ძღვას იღებს?! რა შე­ხე­დუ­ლე­ბა უნდა შე­ექ­მნათ თუნ­დაც მა­თე­ზე?

- პი­რა­დი მტე­რი ხომ არ გყავთ?

მათე:

-არა მგო­ნია...

გოგა ნი­კო­ლა­ძე, ჯგუფ "ბა­ნის" წევ­რი:

- ვფიქ­რობ, რომ ის ვი­ღაც უფრო კონ­კუ­რენ­ტია. თუმ­ცა პირ­და­პირ ვი­ტყვი, ვიცი, ვინც არის, ერთ დღეს და­მი­რე­კა და მითრხა, თქვე­ნი "კავ­კა­სი­ურ ბა­ლა­და", რო­მელ­საც 5 მი­ლი­ო­ნამ­დე ნახ­ვა აქვს, თუ ამას და ამას არ გა­ა­კე­თებთ, ბო­დი­ში და რა­ღა­ცე­ბი იბო­დი­ა­ლა, "იუ­თუ­ბი­დან" წა­იშ­ლე­ბაო. მარ­თლაც რა­ღაც პე­რი­ო­დის შემ­დეგ "ბა­ლა­და" წა­ი­შა­ლა.

- რას გთხოვ­დათ?

- სი­მარ­თლე გით­რათ, ვერ გა­ვი­გე, მაგ­რამ იმ ადა­მი­ა­ნის სა­ხელ­სა და გვარს არ ვი­ტყვი. მაგ სი­ა­მოვ­ნე­ბას არ მი­ვა­ნი­ჭებ, რომ თუნ­დაც "შავი პი­ა­რი" გა­ვუ­კე­თო. არ არის ცნო­ბი­ლი და რა­ღა­ცებს ცუ­დად ცდი­ლობს... ის ვი­დეო ისევ ავ­ტვირ­თეთ, მაგ­რამ ის ხმე­ბი ხომ დავ­კარ­გეთ? არა­და, უკვე 15 მი­ლი­ო­ნამ­დე ხმა გვექ­ნე­ბო­და...

- ჯგუ­ფი "ბანი" ჩვენ­ში პო­ზი­ტი­უ­რად შე­მო­ვი­და და სა­ხე­ლიც და­იმ­კვიდ­რა, სიმ­ღე­რე­ბი აი­ტა­ცეს, მაგ­რამ თქვენს შე­მოქ­მე­დე­ბით ცხოვ­რე­ბა­ში ერთი უხერ­ხუ­ლი ეპი­ზო­დი მოხ­და, როცა ერთ-ერთი ტე­ლე­ვი­ზი­ის შო­უ­ში "უკა­ნა­ლის სკან­დალ­ში" გა­ეხ­ვი­ეთ... არ შე­იძ­ლე­ბო­და, შე­მო­თა­ვა­ზე­ბულ წი­ნა­და­დე­ბა­ზე უარი გეთ­ქვათ და მა­გა­ლი­თად, სტუ­დია და­გე­ტო­ვე­ბი­ნათ?

ბა­ტო­ნი ჭა­ბუ­კა:

- აქ ალ­ბათ დიდი როლი იმან ითა­მა­შა, რომ მაგ­რად იმუ­შა­ვა ჩვე­უ­ლებ­რივ­მა სკან­დალ­მა, ანუ ხე­ლოვ­ნუ­რად შექ­მნილ­მა ე.წ. გა­პი­ა­რე­ბის ტექ­ნი­კამ. ეს შე­იძ­ლე­ბა იმ წამ­ყვა­ნე­ბის­გა­ნაც მო­დი­ო­და, ბი­ჭებ­მა კი ამის შე­სა­ხებ არა­ფე­რი იცოდ­ნენ. მი­ვიდ­ნენ და მო­უ­ლოდ­ნე­ლად, ასე­თი რამ შეს­თა­ვა­ზეს. დიდი ბო­დი­ში, რად­გა­ნაც ამ თე­მა­ზეა ლა­პა­რა­კი, ვი­ტყვი, წა­ი­კუ­ზა ორი კარ­გი გოგო, ესე­ნი კი კა­ცე­ბი არი­ან...

მაგ­რამ ტე­ლე­ვი­ზი­ებს ვურ­ჩევ­დი, თუ ამ ბი­ჭე­ბის სიმ­ღე­რებს ხალ­ხს ხში­რად მო­ას­მე­ნი­ნე­ბენ, მა­შინ გვე­ყო­ლე­ბა ცოტა "პი­ჟო­ნი" და აღარ იქ­ნე­ბა პრობ­ლე­მე­ბი, არც სხვა­ნა­ი­რად აღარ შე­ხე­და­ვან მათ. თან, ახალ­გაზ­რდე­ბი არი­ან, ცოტა გა­მოც­დი­ლე­ბაც აკ­ლი­ათ, რაც ამ სფე­რო­ში მო­მუ­შა­ვე­ებს მე­ტად აქვთ. ფაქ­ტია, რომ ამ გა­და­ცე­მის შემ­დეგ ცუდი რა­ღა­ცე­ბი წა­მო­ვი­და.

- და სწო­რედ ეს ხომ არ გახ­და იმის მაპ­რო­ვო­ცი­რე­ბე­ლი, რომ მა­თეს სა­ხე­ლით ვი­ღაც ასე ცუ­დად სარ­გებლობს?

- მაგ­დე­ნი არ ვიცი, ყო­ველ შემ­თხვე­ვა­ში, ეს უკვე გან­ვლი­ლი ეტა­პია და არა­ვის საქ­მე არ არის, მით უფრო, რომ ამით ისარ­გებ­ლოს მა­ვან­მა და მა­თეს სა­ხე­ლით სა­ში­ნე­ლე­ბა აკე­თოს.

გოგა ნი­კო­ლა­ძე:

- ის კი არა, და­მი­რე­კა ცოტა ხნის წინ ჟურ­ნა­ლის­ტმა და მი­თხრა, - შე­იძ­ლე­ბა თქვენ­გან ინ­ტერ­ვი­უს აღე­ბაო? რა პრობ­ლე­მაა-მეთ­ქი? რა ვიცი, თქვენ­მა სო­ლის­ტმა მათე ფირ­ცხე­ლა­ვამ თავი გა­ი­გი­ჟაო... ხე­დავთ, ის პი­როვ­ნე­ბა ჟურ­ნა­ლის­ტებ­საც რო­გორ მი­მარ­თავს?

ბა­ტო­ნი ჭა­ბუ­კა:

- ამი­ტომ მათე ავ­რცე­ლებს გან­ცხა­დე­ბას და ამ­ბობს, რომ მისი სა­ხე­ლით ასე მოქ­მე­დე­ბენ, ხალ­ხმა გა­ი­გოს, რომ ასე­თი ბიჭი არ არის. სხვა კა­ცია, ძა­ლი­ან მო­რი­დე­ბუ­ლი, თავ­შე­კა­ვე­ბუ­ლი. მცხე­თა­ში სტი­ქა­რო­სა­ნია, მის­წრა­ფე­ბუ­ლია მუდ­მი­ვად იმის­კენ, რომ რღაც კარ­გი საქ­მე აკე­თოს.

თუ ამ გან­ცხა­დე­ბის შემ­დეგ ის ვი­ღაც კვლა­ვაც გა­ნაგ­რძობს მსგავს ქმე­დე­ბას, მა­შინ უკვე მივ­მარ­თავთ შე­სა­ბა­მის ორ­გა­ნო­ებს, რომ ამ კი­ბერ­და­ნა­შა­ულს მი­ხე­დოს... რაც უნდა წე­როს, მაგ­რამ არა შე­უ­რა­ცხმყო­ფე­ლი ტექ­სტე­ბი, ისე­თი, რომ ადა­მი­ანს მისი გა­მე­ო­რე­ბა ერი­დე­ბო­დეს.

მათე ფირ­ცხე­ლა­ვა:

- როცა ჩემი პი­რა­დი გვერ­დი შევ­ქმე­ნი, იმ "ინ­კოგ­ნი­ტო მა­თეს" მივ­წე­რე, ჩემი სა­ხე­ლი­თა და გვა­რით ვე­სა­უბ­რე, ვკი­თხე, - რა­ტომ აკე­თებ ამას-მეთ­ქი?

- რა გი­პა­სუ­ხა?

- კარ­გად მიც­ნობ, მაგ­რამ ვე­რას­დროს გა­ი­გებ, რომ მე ის ვარ. არც შეგ­ხვდე­ბი და არც გნა­ხა­ვო...

ერთ ამ­ბავ­საც გა­ვიხ­სე­ნებ: იმ დღეს ქუ­ჩა­ში ბიჭი შემ­ხვდა და ში­ნა­უ­რუ­ლად და­მე­ლა­პა­რა­კა. გა­მიკ­ვირ­და, რად­გან ვერ ვი­ცა­ნი, - ვინ ხარ, ერ­თმა­ნეთს ვიც­ნობთ-მეთ­ქი? რო­გორ არა, ერთი წე­ლია, "ფე­ის­ბუქ­ზე" გწერ და არ იცი, კაცო, რას აღარ ვე­ძა­ხით ერ­თმა­ნეთ­სო. ის მათე არ ვარ, ვი­საც შენ ელა­პა­რა­კე­ბი-მეთ­ქი. არ და­ი­ჯე­რა, მაგ­რამ მერე სპე­ცი­ა­ლუ­რად შემ­ხვდა და ბო­დი­ში მო­მი­ხა­და... ასე­თი ბევ­რი შემ­თხვე­ვა ყო­ფი­ლა.

- და ბო­ლოს შე­მოქ­მე­დე­ბი­თად რა გეგ­მე­ბი გაქვთ?

ჭა­ბუ­კა ამი­რა­ნაშ­ვი­ლი:

- გა­მო­ვე­ცით პირ­ვე­ლი ალ­ბო­მი და გვინ­და, რომ მისი პრე­ზენ­ტა­ცია გავ­მარ­თოთ, რად­გა­ნაც არ გვინ­და, ქსელ­ში მა­სა­ლა ამის გა­რე­შე გა­ვი­დეს. გვაქვს კონ­ცერ­ტე­ბი, სა­ქარ­თვე­ლოს მას­შტა­ბით გვიწ­ვე­ვენ. ამ ყვე­ლა­ფერს ივენ­თე­ბის ფორ­მა აქვს, მაგ­რამ ჩვენ ასე ვირ­ჩენთ თავს. ხალ­ხი ჩვე­ნით კმა­ყო­ფი­ლია, მთავ­რია, რომ იგეგ­მე­ბა გას­ვლა, პა­რა­ლე­ლუ­რად კი­დევ გვინ­და, ახალ ალ­ბომ­ზე მუ­შა­ო­ბის და­წყე­ბა. გვაქვს კარ­გი თე­მე­ბი...

რამ­დე­ნი­მე სიმ­ღე­რა მე გა­ვუ­კე­თე, არის ხალ­ხურ თე­მებ­ზეც, გვყავს მე­გო­ბა­რი, ამი­რან ჭიღ­ლა­ძე რო­მე­ლიც კარგ ტექ­სტებს გვი­წერს... ასე რომ, კი­დევ იქ­ნე­ბა ერთი კარ­გი რა­ჭუ­ლი სიმ­ღე­რა.

- ცნო­ბი­ლე­ბი რა­ჭუ­ლი სიმ­ღე­რით გახ­დით და კი­დევ გინ­დათ რაჭვე­ლებს გული მო­ულ­ბოთ?

- იმ პე­რი­ოდ­ში, როცა ბი­ჭე­ბი ჯერ კი­დევ მი­წის­ქვე­შა გა­და­სას­ვლელ­ში უკ­რავ­დნენ, მათ­თან მი­ვი­და მა­შინ­დე­ლი ფეხ­ბურ­თე­ლი და ახ­ლან­დე­ლი მი­ნის­ტრი - კახი კა­ლა­ძე და ფული აჩუ­ქა. ის პირ­ვე­ლი სიმ­ღე­რა, "რა­ჭუ­ლი" იმ თან­ხით ჩა­წე­რეს, რაც ჰიტი გახ­და.

- აბა, კახა კა­ლა­ძე ყო­ფი­ლა თქვე­ნი "ნათ­ლია".

- კი, ასე გა­მო­ვი­და... იმის მერე მე და ბი­ჭე­ბი და­ვახ­ლოვ­დით, დღეს კი ამა­თი პრო­დი­უ­სე­რი ვარ და მი­უ­ხე­და­ვად იმი­სა, რომ მა­თეს ასა­კის შვი­ლი მყავს, ბი­ჭებ­თან ვმე­გობ­რობთ, ვძმა­კა­ცობთ. ვმუ­შა­ობთ, ვკა­მა­თობთ, გეგ­მებს ვა­წყობთ. ბევ­რი ამ ბი­ჭებს სწო­რედ იმის გამო იწ­ვევს კონ­ცერ­ტზე, რომ ქარ­თულ საქ­მეს აკე­თე­ბენ, მაგ­რამ ეს იმას არ ნიშ­ნავს, რომ უცხო­უ­რი მუ­სი­კა არ უყ­ვართ, არ უს­მე­ნენ, ან ვერ მღე­რი­ან. უბ­რა­ლოდ, ეს მოს­წონთ. ყვე­ლას თა­ვის გზა­ზე გა­უ­მარ­ჯოს.

მათე ფირ­ცხე­ლა­ვა:

- ვუს­მენ სხვა­დას­ხა ჯგუფს, მომ­ღე­რალს, მაგ­რამ უპი­რა­ტე­სო­ბას ქარ­თულს ვა­ნი­ჭებ, რად­გა­ნაც ქარ­თუ­ლი სის­ხლში მაქვს, ჩე­მია!

ლალი ფა­ცია

სპე­ცი­ა­ლუ­რად "ამ­ბე­ბი.გე"-სთვის