მნიშვნელოვანი ინფორმაცია
17
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცხრამეტე დღე დაიწყება 01:29-ზე, მთვარე მშვილდოსანშია
საშიში, ე.წ. სატანური დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. არ გადაუსხათ სხვას სისხლი და პირიქით. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული. არ გადატვირთოთ კუჭი. მოერიდეთ ცხიმიან საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ქვეყანას პარანოიკი მართავს" - რას პასუხობენ ივანიშვილს კრიტიკის ადრესატები და ექსპერტები
05:45 / 16-02-2015
გაზეთ "კვირის პალიტრაში" გამოქვეყნებულ ბიძინა ივანიშვილის ინტერვიუს[მეტი] დიდი გამოხმაურება მოჰყვა. დღეს დილიდან სრულიად პოლიტიკური სპექტრი, თუ საზოგადოების აქტიური ნაწილი ექსპრემიერის განცხადებებს აფასებს. ოპონენტები, ცხადია, აკრიტიკებენ, ივანიშვილის კრიტიკის ობიექტები საპასუხო განცხადებებს აქვეყნებენ, ექსპერტები კი ანალიზს აკეთებენ.
ძალიან სამწუხაროა, რომ ქვეყანას მართავს პარანოიკი, რომელსაც ბევრი ფობია აქვს, მაგრამ ყველაზე გამოკვეთილი ეს არის შიში "ნაციონალური მოძრაობის" მიმართ, - ამის შესახებ ჟურნალისტებს საპარლამენტო უმცირესობის წარმომადგენელმა ირმა ნადირაშვილმა განუცხადა. "ჩვენ ორი წელია გვესმის გაუაზრებელი საუბრები საბურავებზე და ა.შ. არც ერთი ფაქტი არ დადასტურებულა. ორი წლის განმავლობაში "ნაციონალურ მოძრაობას" ერთი დესტრუქციული ნაბიჯიც არ გადაუდგამს. ქვეყანას ანგრევს არა "ნაციონალური მოძრაობა", არამედ ბიძინა ივანიშვილი, რომელმაც კრიმინალები გამოუშა ციხიდან. ლარის კურსი დაცემა, ნათესავებს ნიშნავენ თანამდებობაზე და გაუმაძღარი ჩინოვნიკები ჰყავს - აი ეს ანგრევს ქვეყანას", - განაცხადა ირმა ნადირაშვილმა.
ერთ-ერთი, ვინც ბიძინა ივანიშვილმა "კვირის პალიტრისთვის" მიცემულ ინტერვიუში გააკრიტიკა, ირაკლი ალასანიაა. მოვუწოდებ ივანიშვილს, იფიქროს მომავალზე და არ შეიძლება, წარსულში ჩარჩეს, - ასე უპასუხა "თავისუფალი დემოკრატების" ლიდერმა, ირაკლი ალასანიამ ექსპრემიერის მიერ "კვირის პალიტრისთვის" მიცემული ინტერვიუს იმ ნაწილს, სადაც ბიძინა ივანიშვილი აღნიშნავს, რომ ალასანიას გამოსვლები ძალიან ჰგავს გიგა ბოკერიას გამოსვლებს. როგორც ივანიშვილი ამბობს, ეჭვიც კი შეეპარა, ალასანიას ტექსტს ბოკერია ხომ არ უწერს.
ირაკლი ალასანია მოუწოდებს ბიძინა ივანიშვილს, როგორც "დეფაქტო პრემიერი" ნუ ჩატოვებს სახელისუფლო გუნდს წარსულში და იფიქრონ მომავალზე.
რომელ "ნაციონალებთან" თანამშრომლობაზეა საუბარი, როდესაც "თავისუფალ დემოკრატებს" არაფერი დაგვიკლია, "ქართული ოცნება" წარმატებული რომ ყოფილიყო, - ამის შესახებ ჟურნალისტებს საგარეო საქმეთა ყოფილმა მინისტრმა მაია ფანჯიკიძემ ყოფილი პრემიერ-მინისტრის, ბიძინა ივანიშვილის მიერ ირაკლი ალასანიას მისამართით გამოთქმულ ბრალდებებზე კომენტირებისას განუცხადა.
მისივე შეფასებით, ირაკლი ალასანიასა და "თავისუფალ დემოკრატებთან" მიმართებაში ადგილი აქვს პოლიტიკურ ანგარიშსწორებას.
"თქვენ როგორ ფიქრობთ, როდესაც პოლიტიკურად გისწორდებიან, შენ ხმა არ უნდა ამოიღო? ეს არის აბსოლუტურად ადეკვატური რეაქცია იმ ძალიან ბიძნურ ბრალდებებზე, იმ ტალახის სროლაზე, რომელიც ხდება სისტემატურად, რომელიც ხდება არა მხოლოდ მათი პირიდან ვინც ტელევიზორში გამოდის, არამედ შეკვეთილი სტატიებით. ეს ყველაფერი ჩვენ ძალიან კარგად ვიცით, ნანახი გვაქვს. სწორედ ამას ვებრძოდით და სამწუხაროა, რომ ისევ ამასთან გვიწევს ახლაც ბრძოლა. რომელ "ნაციონალებთან" თანამშრომლობაზეა საუბარი, როდესაც ჩვენ არ დაგვიკლია არაფერი, რომ წარმატებული ყოფილიყო "ქართული ოცნება" 2012 წლის არჩევნებში, რათა მას გაემართლებინა ის იმედი, რაც მოსახლეობას ჰქონდა "ნაციონალური მოძრაობის" დამარცხების შემდეგ", - აღნიშნა ფანჯიკიძემ.
ივანიშვილის განცხადებები უკომენტაროდ არც გიგა ბოკერიამ დატოვა. ბიძინა ივანიშვილმა ისევ მრავალი სისულელე თქვა, - ასე აფასებს "ნაციონალური მოძრაობის" ერთ-ერთი ლიდერი გიგა ბოკერია ყოფილი პრემიერ-მინისტრის მიერ გაზეთ "კვირის პალიტრასთან" ექსკლუზიურ ინტერვიუში მათი მისამართით გამოთქმულ ბრალდებებს.
ბოკერიას შეფასებით, არეულობისკენ, ინსტიტუტების მოშლისკენ, კრიმინალის ზრდისკენ და ეკონომიკის ჩამოშლისკენ საქმე ივანიშვილს და მის გუნდს მიჰყავს.
"ივანიშვილმა, წინა გამოსვლაში ლართან დაკავშირებით, შეურაცხყოფის საკუთარი რეკორდები მოხსნა, როდესაც ხალხს დააბრალა ეკონომიკური პრობლემები და არა საკუთარ გუნდს. ახლა თითქოს შეეცადა, რომ რაღაცნაირად ეს შეეკოწიწებინა, მაგრამ ისევ მრავალი სისულელე თქვა. ერთადერთი, რაც მან აღიარა, ვიზებზე შეცდომა მოგვივიდაო. ამ საკითხზე ჩვენ მათ თვეების წინ ვაფრთხილებდით. ახლაც ვეუბნებით, რომ საზოგადოებას ჩვენი გეგმა წარვუგდინეთ, რომლის ნაწილია სავიზო რეჟიმის აღდგენა, მათ შორის ევროკავშირის და შტატების მოქალაქეებთან და ასევე ამ გეგმის ნაწილია უსწრაფესად გადასახადების დაწევა. საშემოსავლოსი, რომელიც ხალხს ტვირთს შეუმსუბუქებს, დღგ-სი, რომელიც მეწარმეებს შეუმსუბუქებს ტვირთს და აქციზის, რომელიც მთლიანად ეკონომიკაზე იმოქმედებს დადებითად. ამის გარეშე, ჩვენ ივანიშვილის პოლიტიკის შედეგად მივექანებით უფსკრულისკენ", - განაცხადა გიგა ბოკერიამ.
ივანიშვილი ვერასოდეს მიიღებს ისეთ სურათს, რომ ექსპერტმა ილაპარაკოს ისე, როგორც მეხოტბემ, - ასე ეხმაურება ექსპერტი რამაზ საყვარელიძე ყოფილი პრემიერ-მინისტრის ბიძინა ივანიშვილის მიერ ექსპერტებისადმი გამოთქმულ კრიტიკას.
"როგორც წესი ივანიშვილი ებრძვის იმ ექსპერტებს, რომლებიც მის პოზიციას იზიარებენ. იმ განსხვავებით, რომ თვითონ ხელისუფლება ყოველთვის მოსწონს და ამ ექსპერტებს შეიძლება, შეინიშვნები ჰქონდეთ. ეს შენიშვნებიც, რიგ შემთხვევებში, არ უნდა. მე, ერთ-ერთი ყველაზე სტაჟიანი ექსპერტი ვარ ივანიშვილის ყურადღების თვალსაზრისით, პირველი წერილი რომ დაწერა, კამათი პერსონალურად ჩემთან იქიდან დაიწყო, რითაც მე მოხიბლული ვიყავი, იმიტომ რომ მეკამათებოდა იმას, რომ რომელიმე ერთი მხარე მკაფიოდ უნდა დაიკავოო. მე ექსპერტი ვარ და რომელიმე ერთი მხარის დაკავება არ შეიძლება. ამას ვერ ხვდებიან "ქართული ოცნების" წარმომადგენლები, ივანიშვილის თამადობით, რომ თუ გინდა შენს სიტყვას ენდონ, ცალმხრივი ეს სიტყვა არ უნდა იყოს. მარტო "ნაციონალების" გინებით და "ოცნების" ქებით ხელისუფლების ნდობის მოპოვება შეიძლება, მაგრამ მსმენელის და მაყურებლის – ნაკლებად. ამას გრძობს ყველა ექსპერტი. ამიტომ პრინციპში, ეს პრინციპული ბრძოლაა ივანიშვილისა ექსპერტებთან. ის ვერასოდეს მიიღებს ისეთს სურათს, რომ ექსპერტმა ილაპარაკოს როგორც მეხოტბემ, მაშინ ის დაკარგავს თავის, როგორც ექსპერტი რეიტინგს. მე მეჩვენება, რომ ივანიშვილს სურს, რომ ექსპერტებმა ილაპარაკონ, როგორც მეხოტბეებმა. ამ დროს ეს ის ექსპერტები ვართ, რომლებიც დღესაც იძახიან, რომ ივანიშვილი არის ყველაზე მნიშვნელოვანი ფიგურა დღეს პოლიტიკურ სივრცეში, შესანარჩუნებელი ფიგურა. თუ რამე შეცდომა მოსდის "ქართულ ოცნებას", ისევ ივანიშვილის გამოსასწორებელია და ამ პროცესს უკვე ვხედავთ. ოღონდ თქვას იმ კაცმა, რომ ეს შეცდომა იყო, ეს მხოლოდ მოუხდება ნებისმიერ პოლიტიკოსს. თუ გრძნობ, რომ გაკრიტიკებენ, ყოველთვის სასურველია, რომ ამ კრიტიკას დაასწრო და შენივე რეცეპტი თქვა სიტუაციის გამოსასწორებლად, მაგრამ იმის მუქარა, რომ გავარკვევთ, ვინ არიან _ ვინცა ვართ, აგერ ვართ და ყოველთვის ღია ვართ ის ექსპერტები, რომლებიც ამ შემთხვევაში, იგულისხმება", - განაცხადა საყვარელიძემ.
რაც შეეხება ივანიშვილის ინტერვიუზე ექსპერტ გია ხუხაშვილის შეფასებებს, ექსპერტი გია ხუხაშვილი მიიჩნევს, რომ გაზეთ "კვირის პალიტრაში" გამოქვეყნებული ყოფილი პრემიერ-მინისტრის ბიძინა ივანიშვილის ინტერვიუ ბევრად უფრო კორექტულია და ზოგიერთი გამონაკლისის გარდა, მის შეფასებებს სრულად იზიარებს. როგორც გია ხუხაშვილმა "ინტერპრესნიუსს" განუცხადა, თუ წინა ინტერვიუებში მეტი საკამათო იყო, დღევანდელში გარკვეული კორექტივებია გაკეთებული, რასაც ექსპერტი პოზიტიურად აფასებს [მეტი].
მომზადებულია "ინტერპრესნიუსი"-ს მასალების მიხედვით.
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
