მსოფლიოს ოთხგზის ქართველი ჩემპიონი ქურდობის გამო დააკავეს
მსოფლიოს ოთხგზის ჩემპიონი კიკბოქსინგში ირაკლი ღვინჯილია მოსკოვში ფულის მოპარვის გამო დააკავეს. როგორც ვებგვერდი sportall.ge იუწყება, შემთხვევა ქართულ ქუჩაზე, Грузинский Вал-ზე მდებარე კაფე "შოკოლადნიცაში" მოხდა, სადაც ღვინჯილიამ ერთ-ერთ კლიენტს 70 000 რუბლი მოპარა.
რუსული წყაროების ცნობით, აღნიშნული ფაქტი 4 იანვარს მოხდა და სამართალდამცველებს საქმის გამოსაძიებლად თვეზე მეტი დასჭირდათ. კაფეში მყოფმა კლიენტმა, რომელიც ერთ-ერთი კომერციული კომპანიის დირექტორია, პიჯაკის ჯიბიდან 70 000 რუბლის დაკარგვის გამო პოლიციას შეატყობინა. ღვინჯილიამ ჩადენილი დანაშაული აღიარა და განაცხადა, რომ თანხა საკუთარი საჭიროებისათვის უკვე დახარჯა და პატრონს ვერ დაუბრუნებდა. პოლიციამ გაითვალისწინა სპორტსმენის აღიარებითი ჩვენება და ის გაუსვლელობის ხელწერილით სასამართლომდე გაათავისუფლა.
დაბადებული კიკბოქსინგის სპორტის ოსტატი და რუსეთის კიკბოქსინგის ფედერაციის წევრი ირაკლი ღვინჯილია, მეტსახელად "მამლუქი", თავდაპირველად საქართველოს ნაკრებში ვარჯიშობდა და საქართველოს არაერთგზის ჩემპიონიც იყო, თუმცა მოგვიანებით რუსეთის სახელით გამოსვლა არჩია. 2004 წელს მან პირველად მოიპოვა K-1 ვერსიით კიკბოქსინგში მსოფლიო ჩემპიონის წოდება და ეს შედეგი კიდევ სამჯერ გაიმეორა.