4
ივნისიდღის ზოგადი ასტროლოგიური პროგნოზი
ცოტა ხნის წინ ქართულ ინტერნეტ-სივრცეში, საინტერესო ვიდეო-რეკლამა გამოჩნდა, რომელიც მომხმარებელს პირველ ქართულ მობილურ ტელეფონს სთავაზობდა. იდეა "BH PRODUCTION"-ს ეკუთვინის. მობილურ ტელეფონს "Iღე" ჰქვია. მას აქვს აპლიკაციები "ბაბულიკატორი", რომელსაც შეუძლია ჩვეულებრივი ნათქვამი "ბაბულიკურ ენაზე" თარგმნოს. "აპკი", რომელიც დაადგენს, ესა თუ ის გოგო შემოსაშვებია თუ არა ოჯახში და სხვა. ჩვენ დავუკავშირდით "BH PRODUCTION"-ს თანადამფუძნებელს, კრეატიულ დირექტორს და რეჟისორს ზიად ალიევს და კომენტარი ვთხოვეთ:
- "Iღეს" გამოშვების იდეა მე მეკუთვნის. დიდი ხანია, ეს აზრი მაქვს, მაგრამ ამ დრომდე ვფიქრობდი, რომ საქართველოში ასეთი ვირუსული ტიპის ვიდეოს არ აიტაცებდნენ. ეს არის "აიფონის" პაროდია და მსგავსი ტიპის ბევრი ვიდოები არსებობს მსოფლიოში და ამიტომაც გადავწყვიტეთ, ასეთი ტიპის ვიდეოს ქართული ვარიანტის გაკეთება. ჩვენი ლოგოც, მოკბეჩილი ხინკალი "აიფონის" პაროდიაა. ბევრს გაუჩნდა კითხვა, თუ რატომ ხინკალი, თუმცა ქართველმა რა უნდა მოკბიჩოს, თუ არა ხინკალი?! ჩვენმა ჯგუფმა, "BH PRODUCTION"-მა ვცადეთ, რომ გაგვეკეთებინა ასეთი ვიდეო, გავაკეთეთ და შედეგმა ყოველგვარ მოლოდინს გადააჭარბა.
- ვისი იდეა იყო, რომ "Iღეს" უნდა ემუშავა ოპერაციულ სისტემაზე, რომელსაც ჰქვია "Iდედამოუა"?
- ჩემი იდეა იყო. ვფიქრობდი, ოპერაციული სისტემის სახელზე, რომელიც I-ზე დაიწყებოდა და ეს მომაფიქრდა. მგონი ძალიან დახვეწილი და ქართულ რეალობას მორგებული ოპერაციული სისტემაა.
- აპლიკაციები, რომლებიც "Iღეს" მომხმარებელს ექნება, სრულად თქვენი გაკეთებულია?
- საერთოდ, ვირუსული ვიდეო არის მოულოდნელი, ერთგვარად პოპულისტური და ამიტომაც ის აპლიკაციები, რომლებიც ტელეფონშია, ისაა, რაზეც ყველა ქილიკობს, ხუმრობს და ზოგიც დიდი სერიოზულობით უდგება. ეს ვიდეო ვინც ნახა, თითქმის ყველამ იხალისა და ბევრი იცინა. გამოჩნდა, რომ თემატიკა სწორად აგვირჩევია. სხავთა შორის, ერთი ეპიზოდი გვქონდა კიდევ, მაგრამ აღარ ჩავსვით (რადგან ძალიან გაიწელებოდა ვიდეო) და თქვენ გეტყვით: აპლიკაციას ერქვა "ახტი". გახსოვთ, ადრე იყო ასეთი ტენდენცია, როდესაც ადამიანებს აჩერებდნენ და ეკითხებოდნენ: "ხურდა გაქვს ძმა?!", "არაა...", "აბა ახტი"... ამ აპლიკაციის მიხედვით, თუ კითხავ ვინმეს, აქვს თუ არა ხურდა და თუ ის ახტება, აპლიკაცია ზუსტად თვლის, თუ რამდენი ხურდა ფული აქვს ჯიბეში.
- ზვიად, როგორ ფიქრობ, ჩაძირავთ "აიფონს"?
- გულწრფელად, რომ გითხართ, თუ ჩვენ მართლა გავაკეთებდით ასეთ ტელეფონს, საქართველოს ბაზარზე ნამდვილად ჩავძირავდით. სხვთა შორის, მხოლოდ რეკლამით ქართულ ბაზარზე არსებული ძალიან ბევრი რეკლამა უკვე ჩავძირეთ.
- ელოდით ამხელა გამოხმაურებას?
- გამოხმაურებას ნამდვილად ველოდით, მაგრამ ასეთს არა. ჩვენი გუნდი სხვა გუნდებისაგან იმით განსხვავდება, რომ ჩვენ ვაკეთებთ მრავალფეროვან პროდუქციას. ჩვენ არ ვაკეთებთ იმას, რაც უკვე არის. ჩვენთვის უმთავრესია ინოვაცია და ბუნებრივია, ხარისხი. სამომავლოდ ვაპირებთ ძალიან საინტერესო პროექტს, რომელიც დიდი სიურპრიზი იქნება თბილისის ერთ-ერთი ქუჩისთვის. ეს იქნება ძალიან მაგარი რამ, ბუნებრივია, თუ ვიშოვეთ შესაბამისი ფინანსები.
- "Iღეს" სარეკლამო ვიდეოს გადაღება რა დაჯდა?
- ჩვენი კომპანია დეკემბერში დაარსდა და უკვე სამი ნამუშევარი გვაქვს. უშუალოდ "Iღეს" ვიდეო შეიძლება ითქვას, 5 თეთრიც არ დაგვიჯდა. ჩვენი მიზანია მინიმალური დანახარჯით მივიღოთ მაქსიმალური მოგება. ჩვენი ყველაზე დიდი დანახარჯი, რასაც ამაში ვდებთ, არის დრო და ენერგია. ჩვენი ერთ-ერთი მიზანია, რომ დავიმკვიდროთ თავი ქართულ ბაზარზე და შეკვეთები მივიღოთ და ეს რეკლამაც ამისთვის გადადგმული ნაბიჯია, გვინდა გავხდეთ ცნობადები.
- უარყოფითი შეხედულება არავის ჰქონია?
- ვიდეოს კომენტარებში ერთი-ორმა დაწერა, რომ კაი ბიჭებს რატომ დასცინითო, მაგრამ ეს მხოლოდ ერთეულები იყო. იმედი მაქვს იმ დონეზე არ გვიჭირს ქართველებს, რომ იუმორი ვერ გავიგოთ.
ლადო გოგოლაძე
AMBEBI.GE
