უკრაინის ელჩი საქართველოში საგარეო საქმეთა სამინისტროში განმარტებებისთვის დაიბარეს

უკრაინის ელჩი საქართველოში ვასილი ციბენკო საგარეო საქმეთა სამინისტროში განმარტებებისთვის დაიბარეს. აღნიშნული ფაქტი მიხეილ სააკაშვილის უკრაინის პრეზიდენტის მრჩეველთა საბჭოს ხელმძღვანელად დანიშვნას უკავშირდება.

უკრაინის ელჩის დაბარებას საგარო უწყებაში ადასტურებენ. როგორც "ინტერპრესნიუსს" საგარეო საქმეთა სამინისტროს პრესსამსახურში განუცხადეს, უკრაინის ელჩი საქართველოში დაბარებულია საგარეო საქმეთა სამინისტროში ამ თემაზე განმარტებების მისაღებად. ელჩი საგარეო პოლიტიკურ უწყებაში მიმდინარე კვირას არის დაბარებული.

გარდა ამისა, სამინისტროში აღნიშნავენ, რომ საქართველოს ელჩი უკრაინაში მიხეილ უკლება აპირებს უკრაინის შესაბამისი უწყებებიდან მოისმინოს განმარტებები საქართველოს ყოფილი პრეზიდენტის მრჩეველთა საბჭოს ხელმძღვანელად დანიშვნასთან დაკავშირებით.

"ინტერპრესნიუსი"