11
ივნისიდღის ზოგადი ასტროლოგიური პროგნოზი
2013 წლის აპრილში, გაზეთ "ყველა სიახლეში" ამერიკელი ჟურნალისტისა და პოლიტოლოგის ჯეფრი სილვერმანის ინტერვიუ გამოქვეყნდა, რომელში რამდენჯერმე იყო ნახსენები ექსპრემიერი ზურაბ ჟვანია, ასევე მისი და რაულ იუსუპოვის გარდაცვალების თაობაზე მომზადებული FBI -ის დასკვნა, რომელიც მას მერე, რაც "რუსთვი-2"-მა მისი ნაწილი გამოაქვეყნა, განსაკუთრებულად აქტუალური გახდა
როგორ ზემოთ ხენებული სტატიიდან ირკვევა, სილვერმანი პირველად საქართველოში 1991 წელს ჩამოვიდა, რის შემდეგაც ხშირად სტუმრობს ჩვენს ქვეყანას და აქ საკმაოდ დიდი ხნითაც რჩებოდა ხოლმე. სილვერმანი 2001-2003 წლებში მიხეილ სააკაშვილის მრჩეველი იყო, როგორც თვითონ ამბობდა, მისი სტატიებით თავდაპირველად, ექსპრეზიდენტის დედა გიული ალასანია დაინტერესდა. "ისე მოხდა, რომ დავმეგობრდით კიდეც. შემდეგ კი, სააკაშვილის მრჩეველი გავხდი (იმხანად ის "ნაციონალური მოძრაობის" ლიდერი გახლდათ). ჩემი დახმარებით ჩაწერა მიშამ 2001 წელს BBჩ-ისთან პირველი ინტერვიუ..." - ყვება ინტერვიუში სილვერმანი.
რაც შეეხება ზურაბ ჟვანიას გარდაცვალებაზე მის განცხადებებს, ის ინტერვიუში ამბობდა: "მოგეხსენებათ, ზურაბ ჟვანიას გარდაცვალების შემდეგ აშშ-ის გამოძიების ფედერალური ბიუროს (FBI) თანამშრომლები იყვნენ ჩამოსულები. გარკვეული პერიოდის შემდეგ, ამერიკაში ვესაუბრე FBI-ს ერთ-ერთ თანამშრომელს, რომელმაც მითხრა, ვინ გაანადგურა ჟვანიას მკვლელობის საქმეში მტკიცებულებები, კერძოდ, აგენტმა ბრაიან პარმენმა აშშ-ის იმჟამინდელი ხელმძღვანელობის მითითებით გაანადგურა მოპოვებული მტკიცებულებები ჟვანიას მკვლელობის საქმეზე, რადგან მკვლელობის რეალური მიზეზი თუ გამოიკვეთებოდა, მაშინ სააკაშვილის იმიჯი შეილახებოდა, რაც ამერიკის პოლიტიკას დარტყმას მიაყენებდა. დარწმუნებული ვარ, იმ დროს საქართველოში რომ ვყოფილიყავი, მკვდარი ვიქნებოდი."
