მინსკში მიმდინარე მოლაპარაკებების დროს, ვლადიმერ პუტინს ხელში კალამი შემოემტვრა - აღწევს თუ არა დაძაბულობა პიკს?

მინსკში "ნორმანდიულ ოთხეულს" შორის მოლაპარაკებები უკვე 13 საათზე მეტია, მიმდინარეობს. უკრაინის, რუსეთის, გერმანიისა და საფრანგეთის პრეზიდენტები უკრაინის კონფლიქტის აღმოფხვრის გზებზე მსჯელობენ. შეხვედრა გუშინ საღამოს თბილისის დროით, 21:15 წუთზე დაიწყო. რამდენიმე საათის შემდეგ, ლიდერები მედიის წინ გამოჩნდნენ და ტრადიციული ფოტოები გადაიღეს, თუმცა, კომენტარები არ გაუკეთებიათ. სანამ მთელი სამყარო მინსკის მოლაპარაკებების დასრულებას ელის, ინტერნეტში შეხვედრის ამსახველი არაერთი ფოტო ვრცელდება. ერთ-ერთ ფოტოსურათზე ვლადიმერ პუტინი, ხელში დამსხვრეული კალმით არის ასახული.