მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა პუნქტებზე ცდილობენ შეთანხმების მიღწევას მსოფლიოს ლიდერები მინსკში და პუტინის ჟესტი ქართველ ჟურნალისტებს
02:42 / 12-02-2015
მინსკში "ნორმანდიულ ოთხეულს" შორის მოლაპარაკებები უკვე 14 საათია, მიმდინარეობს. უკრაინის, რუსეთის, გერმანიისა და საფრანგეთის პრეზიდენტები უკრაინის კონფლიქტის აღმოფხვრის გზებზე მსჯელობენ. შეხვედრა გუშინ საღამოს, თბილისის დროით, 21:15 წუთზე დაიწყო. "მოლაპარაკებები რთულად მიმდინარეობს, თუმცა იმედი გვაქვს, რომ წარმატებით დასრულდება", - განაცხადა უკრაინის საგარეო საქმეთა სამინისტროს წარმომადგენელმა, ევგენი პერებიინისმა.
შეხვედრას რუსეთის პირველი დიპლომატი, სერგეი ლავროვიც ესწრება, მან მოლაპარაკებები მხოლოდ ერთი სიტყვით შეაფასა. მისი თქმით, შეხვედრა "მშვენივრად მიმდინარეობს".
განსხვავებულია, რუსეთის საგარეო საქმეთა მინისტრის მოადგილის, გრიგორი კარასინის შეფასებები: "მიმდინარეობს აქტიური, დაძაბული დისკუსია, ვმუშაობთ შესაძლო შეთანხმებებზე".
პრეზიდენტებს შორის მიმდინარე მოლაპარაკებების ძირითადი პუნქტების შესახებ ინფორმაციას "ასოშეიტედ პრესი" ავრცელებს. გამოცემის ცნობით, პეტრო პოროშენკო, ვლადიმერ პუტინი, ფრანსუა ოლანდი და ანგელა მერკელი შემდეგ პირობებზე ცდილობენ შეთანხმების მიღწევას: 1. უკრაინას სურს აღმოსავლეთ რეგიონში სადემარკაციო ხაზი დარჩეს ისე, როგორც მხარეებმა სექტემბერში შეათანხმეს. რუსეთს კი სურს ახალი ხაზის გავლება და ამბოხებულებისთვის იმ ტერიტორიის მიკუთვნება, რაც მათ ბოლო თვეების განმავლობაში დაიკავეს. 2. რუსეთი აცხადებს, რომ მისი სამხედროები და არტილერია აღმოსავლეთ უკრაინაში არ არის, უკრაინა კი მას ჯარების გაყვანისკენ მოუწოდებს. 3. უკრაინას სურს აღადგინოს კონტროლი რუსეთთან საზღვარზე, იმისათვის რომ გააკონტროლოს რუსეთიდან მებრძოლებისა და იარაღის შედინების პროცესი, მოსკოვი კი აცხადებს, რომ ეს საკითხი ამბოხებულებმა უნდა გადაწყვიტონ. 4. უკრაინა აცხადებს, რომ მას შეუძლია სეპარატისტების მიერ კონტროლირებად ტერიტორიებს უფრო მეტი უფლება მისცეს უკრაინის კანონდებლობის მიხედვით, რუსეთი კი ამის გარანტიებს ითხოვს და კიევს მოუწოდებს იზრუნოს აღმოსავლეთ რეგიონის ფინანსური ბლოკადის მოხსნაზე.
ამ დროისთვის, გავრცელებული ინფორმაციით, შეხვედრა დატოვა რუსეთის საგარეო საქმეთა მინისტრმა სერგეი ლავროვმა და პუტინის თანაშემწე ვლადისლავ სურკოვმა.
აღსანიშნავია, რომ ქართველი ჟურნალისტების მიერ დასმულ შეკითხვაზე, ვლადიმერ პუტინმა კომენტარი არ გააკეთა და მხოლოდ თითის დაქნევით შემოიფარგლა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
