მნიშვნელოვანი ინფორმაცია
11
ივლისიდღის ზოგადი ასტროლოგიური პროგნოზი
პარასკევი, მთვარის მეჩვიდმეტე დღე დაიწყება 23:08-ზე, მთვარე მერწყულს ესტუმრება 21:19-ზე – რეკომენდებულია კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. ხელსაყრელი პერიოდია სამეცნიერო საქმიანობის, კვლევისთვის. ადამიანები ავლენენ დამოუკიდებლობას, ექსტრავაგანტურობას, კომუნიკაბელურობას, ექსპერიმენტებისადმი მიდრეკილებას და გამომგონებლობას. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ მოუხადა ბოდიში ზურა შარიამ ია ფარულავას - რა ხდება მაშინ, როდესაც ადამიანები ერთმანეთს ჟესტიკულაციით ელაპარაკებიან
06:41 / 11-02-2015
"პალიტრა TV"-ს ეთერში ერთი აზარტული, მხიარული შოუ გადის, რომელსაც "მიმიხვდი" ჰქვია. მასში მაყურებელი აქტიურად არის ჩართული. გადაცემაში ბევრი ცნობილი ადამიანი მონაწილეობს. რეალურად კი, ეს არის თამაში, სადაც ექვსი კონკურსანტია, ანუ სამი წყვილი. შოუს პირველი სეზონი დასასრულს უახლოვდება - ცოტა ხანში ფინალისტი უნდა გამოვლინდეს.
Ambebi.ge "მიმიხვდის" წამყვანს, თამთა ასათიანს ესაუბრა:
- თამაშის პირველი ტური მარტივია, მეორე ტური კი ოდნავ რთულდება. საერთოდ კი ამ ყველაფრის ძირითადი პრინციპი შემდეგში მდგომარეობს: კალათიდან წყვილებმა ფურცელი უნდა ამოიღონ, სადაც საზოგადოებისთვის კარგად ნაცნობი პიროვნების სახელი და გვარი, წიგნის, ფილმის, პოლიტიკოსის, მომღერლის ვინაობა წერია. პირველ ტურში რამდენი სიტყვითაც უნდათ, იმდენით უხსნიან თავის მეწყვილეებს, თუ რომელი პიროვნების გვარი და სახელი წერია ფურცელზე, ანუ შეზღუდული არ არიან. თითო სწორი პასუხი ერთ ქულას უდრის. რამდენ სწორ პასუხსაც გასცემენ, იმდენად კარგია მათთვის. შემდეგ ტურში კალათიდან ფურცელზე დაწერილი პიროვნებები კალათში ბრუნდება და მასზე მოთამაშეს მხოლოდ ერთი სიტყვით შეუძლია მიანიშნოს. მესამე ტურში კი მინიშნებასთან დაკავშირებით, უკვე ხმას აღარ იღებენ და მხოლოდ მიმიკით, მოძრაობით ხსნიან.
- რა პრინციპით არჩევთ ადამიანებს, რომლებიც გადაცემაში მონაწილეობენ და როგორ აწყვილებთ მათ?
- პოპულარულები და საზოგადოებისთვის ცნობილები უნდა იყვნენ. მაგალითად, რუსკა მაყაშვილმა გამოთქვა სურვილი, რომ მეწყვილედ თავისი შეყვარებული ჰყოლოდა, სოფო ბედიას მეუღლე უნდოდა, რომ მის გვერდით ყოფილიყო, მაგრამ არის შემთხვევა, როცა ჩვენ გვანდობენ მეწყვილეს შერჩევას და ჩვენი პროდიუსერები აწყვილებენ. თუ მსახიობია, ვცდილობთ, მსახიობთან დავაწყვილოთ. სულ 9 ფინალისტი შევარჩიეთ, მათგან სამი უნდა დარჩეს, ორი უკვე გამოვლენილია. მესამე წყვილი კი პარასკევს გახდება ცნობილი.
- ფინალში ცხადია, მათ შორის კონკურენცია მოიმატებს.
- დიახ, კონკურენცია გაიზრდება და ესენი იქნებიან ადამიანები, რომლებმაც ორჯერ გაიმარჯვეს ჯერ შესარჩევ ტურში და შემდეგ უკვე ნახევარფინალში, კარგად უგებენ ერთმანეთს.
- გამარჯვებული წყვილი რითი დაჯილდოვდება?
- დასაჩუქრდება ორკაციანი საგზურით უცხოეთში, რაზეც ჩვენი პარტნიორი სააგენტო ზრუნავს.
- ისე, კონკურსანტებს შორის, მგონი, მსახიობები ჭარბობენ, არა?
- კი, ფინალშიც მსახიობები მოხვდნენ. ალბათ მათ უფრო გაუადვილდათ, რადგანაც ბოლო ტურზე სამსახიობო ოსტატობა იყო საჭირო, რასაც თავი კარგად გაართვეს. მსახიობებთან ერთად, იურისტებიც მონაწილეობდნენ: მარიამ კუბლაშვილი და ზვიად კორძაძე. აღსანიშნავია ბატონი ზვიადის მოხერხებულობა, ლამის მსახიობებს აჯობა. ამოცანას კარგად გაართვა თავი. ზოგადად კი ჩაწერები მხიარულად და აზარტულად წარიმართა.
- როგორ მოგწონს შენი როლი ამ გადაცემაში?
- მე გადაცემის წამყვანი ვარ და ჩემი ძირითადი მოვალეობაა, მოთამაშეებს წესები ავუხსნა, გავამხნევო, თუ რაიმე შეეშლებათ, ან ვერ ახვედრებენ როგორც საჭიროა, ცოტა მივეხმარო. მაგალითად, მარგო ლუჩკო ქართულად ვერ კითხულობს და შესაბამისად, მომიწია მისთვის ყურში მეჩურჩულა, მივხმარებოდი, ყვარყვარე თუთაბერი შეხვდა, არ იცოდა, ვინ იყო... ყოფილა შემთხვევა, როცა წამზომი ჩართულა, დროში შეზღუდული ყოფილან და ძალიან ცნობილი ადამიანი ვერ გამოუცნიათ. ასეთ დროს პროდიუსერი ნებას მრთავს, მინიმალურად მაინც მივეხმარო და ჩემი წვლილი ასე შევიტანო. ზოგადად კი ჩემი ვალია, კეთილგანწყობილი ვიყო ყველა მონაწილის მიმართ, დეტალურად და გასაგებ ენაზე ავუხსნა მონაწილეებს წესები, რომ არ გაუჭირდეთ თამაში. მაგალითად, როდესაც ზურა შარია და თამრიკო მაყაშვილი იყვნენ წყვილში, ია ფარულავა შეხვდათ, - უნდა აეხსნათ და ცოტა უხერხულად ახსნეს. მერე ზურამ ბოდიშიც კი მოუხადა ეთერიდან იას, სხვა გზა არ მქონდა, ასე ახსნამ მომიწიაო. კარგად მახსოვს ნინო მუმლაძისა და გიორგი გაგლოევის წყვილი, მიხეილ სააკაშვილი ძალიან სახალისოდ ახსნეს. ეკა ნიჟარაძემ კი ისე მოინდომა, რომ იატაკზეც კი გაწვა, "ნატვრის ხის" ერთ-ერთი პერსონაჟი შეხვდა. მოკლედ, ისე შედიან აზარტსა და როლში, რომ მერე არაფერზე უკან არ იხევენ. გვყავდა "თეატრალურის კვარტეტის" ბიჭები, მათ საოცრად გაამხნევეს ერთმანეთი, "მრავალჟამიერი" შემოსძახეს. იყვნენ მარიამი და კოკო როინიშვილები, მათაც არაჩვეულებრივად გაართვეს თავი ამოცანას. მიუხედვაად იმისა, რომ მხიარული თამაშია, ყოფილა შემთხვევა, რომ ცოტა დაძაბულან. ასეთ დროს მინდა ხოლმე, რომ მშვიდობის მტრედი ვიყო, ვარწმუნებ იმაში, რომ ეს არის თამაში, მაგრამ ალბათ, ესეც მათი აზარტის ნაწილია.
- მოკლედ, ვინ არიან ფინალისტები?
- პირველი ფინალისტები გახდნენ - ლევან ჯიბღაშვილი და დიმა ტატიშვილი, "დეტექტივების გადაღებისას" იმდენად დავახლოვდით, ერთმანეთს კარგად ვუგებთო და არც თამაში გაუჭირდათ. დიდი მნიშვნელობა აქვს, რამდენად უგებენ პარტნიორები ერთმანეთს. შემდეგი ფინალისტები - ონისე ონიანი და ეკა ნიჟარაძე გახდნენ, ისინიც დიდი ხნის მეგობრები არიან. მესამე ამ პარასკევს გაირკვევა. ახლა ასე ველოდებით ფინალს, რისთვისაც ვემზადებით, გვინდა, საინტერესო და სახალისო იყოს. ვნახოთ, ვინ გახდება ჩვენი პირველი სეზონის გამარჯვებული.
ლალი ფაცია
AMBEBI.GE
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ვიდეოკადრებს ავრცელებს პროკურატურა პოლიციელზე თავდასხმაში ბრალდებულ 19 წლის საბა ჯიქიასთან დაკავშირებით?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
