ბაშარ ალ-ასადი "ისლამური სახელმწიფოს" წინააღმდეგ ბრძოლაში დასავლეთთან თანამშრომლობისთვის მზადაა
სირიის პრეზიდენტი, ბაშარ ალ-ასადი მზადაა "ისლამური სახელმწიფოს" წინააღმდეგ ბრძოლაში დასავლეთთან თანამშრომლობისთვის. ამის შესახებ მან "ბიბისისთან" ექსკლუზიურ ინტერვიუში განაცხადა. ასადის თქმით, სირიის მთავრობა აშშ-ის ხელმძღვანელობით საერთაშორისო კოალიციის ბრძოლას რადიკალი ისლამისტების წინააღმდეგ მხარს უჭერს.
"ამ მხრივ პირდაპირი თანამშრომლობა საერთაშორისო კოალიცასა და დამასკოს შორის არ არის, რაც სამწუხაროა. ინფორმაცია ჩვენამდე მესამე ქვეყნის შუამავლობით მოდის", - აღნიშნა ბაშარ ასადმა. დასავლეთი 2011 წელს სირიაში დაპირისპირების დაწყების შემდეგ ასადს გადადგომისკენ მოუწოდებს. თუმცა, სირიის პრეზიდენტი თანამდებობას ამ დრომდე არ ტოვებს. აღნიშნულის გამო, ზოგიერთი ქვეყანა სირიის მთავრობასთან თანამშრომლობაზე უარს ამბობს, თუმცა, მას შემდეგ რაც ე.წ "ისლამურმა სახელმწიფომ" სირიისა და ერაყის ტერიტორიების დიდი ნაწილის დაკავება შეძლო, დასავლელი ლიდერების ნაწილი ექსტრემისტებთან ბრძოლის მიზნით, ასადთან თანამშრომლობის დაწყებას არ გამორიცხავს.
"ინტერპრესნიუსი"
სიახლე!
თუ დაინტერესებული ხართ მხოლოდ პოლიტიკური თემებით და არ გსურთ, მიიღოთ სხვა, თქვენთვის უინტერესო ინფორმაცია, მოიწონეთ გვერდი, რომელზეც მხოლოდ უმნიშვნელოვანესი პოლიტიკური სიახეები თავსდება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
