მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ გამოიყურებოდნენ 80-იანი წლების ქართული კინოს ვარსკვლავები
08:11 / 16-10-2017
70-იანი წლების ბოლო და 80-იანების დასაწყისი ქართული კინოსთვის მნიშვნელოვან წლებად შეიძლება ჩაითვალოს.
სწორედ ამ პერიოდს მიეკუთვნება თენგიზ აბულაძის "ნატვრის ხე", რომელმაც ლიკა ქავჟარაძის შექმნილი "მარიტას" პერსონაჟი ყველა დროის ერთ-ერთ ყველაზე ლამაზ და სათაყვანებელ გმირად აქცია... როლის წყალობით, ლიკა ქავჟარაძემ დიდი ხნით დაიმკვირდა ადგილი ქართველი მაყურებლის გულში.
ქალების გულთამპყრობელმა ზურა ყიფშიძემ პოპულარობა ლანა ღოღობერიძის 1972 წლის ფილმით, "როცა აყვავდა ნუში" მოიპოვა, სადაც იგი მეათეკლასელი მოზარდის როლს ასრულებდა.
მერაბ ნინიძის დებიუტი კინოში 1984 წელს, თენგიზ აბულაძის ფილმში "მონანიება" შედგა, რომელიც მოგვიანებით კანის კინოფესტივალის პრიზიორი გახდა. 2001 წელს ნინიძემ მთავარი როლი შეასრულა კაროლინა ლინკის ფილმში "არსად აფრიკაში", რომელმაც საუკეთესო უცხოენოვანი ფილმისთვის "ოსკარი" მოიპოვა.
ლევან უჩანეიშვილის პოპულარობას საფუძველი ქეთი და სიკო დოლიძეების ფილმით - "კუკარაჩა" ჩაეყარა, სადაც მსახიობი პრინციპებისა და ზნეობის დამცველ მილიციელად გვევლინება. 1990-იანი წლებიდან უჩანეიშვილი ცხოვრებასა და მოღვაწეობას ამერიკაში აგრძელებს, სადაც რამდენიმე ცნობილ ჰოლივუდურ ფილმში ითამაშა.
ია ფარულავას დებიუტი თენგიზ მაღალაშვილის ფილმში, "ძნელი დასაწყისი" შედგა, თუმცა, პოპულარობა გიორგი შენგელაიას ფილმით - "სიყვარული ვენახში" მოიპოვა.
მსახიობი, რეჟისორი, სცენარისტი, პროდიუსერი, დამდგმელი მხატვარი ზაზა კოლელიშვილი მაყურებელმა "ნატვის ხეში", შეთეს როლით გაიცნო. მოგვიანებით, მან უჩანეიშვილის მსგავსად, "კუკარაჩაში" შეასრულა მნიშვნელოვანი როლი, რის გამოც, მაყურებელში ცნობილი "მურტალოს" სახელით გახდა.
ლევან აბაშიძის სამსახიობო კარიერა, ფილმში "რამდენიმე ინტერვიუ პირად საკითხებზე" სანდროს როლით დაიწყო. მან ათზე მეტ ფილმში ითამაშა. ახალგაზრდა და პერსპექტიული მსახიობი, სამწუხაროდ, 1992 წელს ქართულ-აფხაზური შეიარაღებული კონფლიქტის დროს დაიღუპა.
სოსო ჯაჭვლიანი ცნობილი თენგიზ აბულაძის "ნატვრის ხეში" შესრულებული გედიას როლით გახდა. 2007 წელს მან გადაიღო ფილმი "სვანი", რომელმაც მინსკის კინოფესტივალის პრიზი მიიღო. ჯაჭვლიანი 2012 წლის მოწვევის პარლამენტის წევრიც იყო.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
